ဖယ်ခွာပုန်းသူ..သို့

ရင်မှာနှောင်တန်း
တစ်ဖက်သက်လွမ်း
ဆိုင်သူမသိ
ရူးမိုက်မိ၏
အလွမ်းတစ်ခင်း
သီချင်းသာလျှင်
စီကာဖွဲ့ရည်
ဆိုသီနိုင်၏
နှောင်တွယ်အမုန်း
ရှောင်ဖယ်ပုန်းသူ
စိမ်းမိုးတွေရွာ
စိမ်းကမ္ဘာသို့
စိမ်းကားရက်စက်
ကျောခိုင်းထွက်၏
ဪ……
မသိလည်းလွမ်း
ရင်ထဲတမ်းသည်
မှန်းဆစိတ်ရှည်
လွမ်းစိတ်ဖြေ၍
အသက်ကမ္ဘာ
တည်နိုင်သမျှ
သစ္စာဖွဲ့တင်း
မျှော်လင့်ရင်းဖြင့်
ငါ၏ချစ်ခြင်း
စဉ်ထွန်းလင်းနေမည်သာ……
ဆုတောင်းတိုင်းသာ
ပြည့်ရပါလျှင်
လွမ်းခြင်းဆွေးခြင်း
ဤ၀ဋ်တွင်းမှ
လွတ်ကင်းဖယ်ခွာ
သံသရာဆက်
နှောင်တွယ်ဖြတ်၍
ချစ်ခြင်းမုန်းခြင်းကင်းရစေ…..


Type rest of the post here

ကျွန်တော်ချစ်သောပန်းကလေးများ

အလင်းရှင်

သူပြုံးလိုက်တဲ့အခါ
ပန်းကလေးတွေမွှေး
လေကလေးတွေအေး
နွမ်းသမျှပြေ
လွမ်းသမျှကျေတယ်…..
သူစကားပြောတဲ့အခါ
ပျားသကာလို
နားမှာချိုလို့
ရင်မှာစိမ့်စမ်း
စီးဖြတ်သန်းတယ်…..
သူရှိနေတဲ့အခါ
ရနံ့မွှေးသောပန်း
ကြာတင့်တဲ့ကန်
ကြယ်စုံသောကောင်းကင်
လသာတဲ့ည
ကာရန်ညီတဲ့ဂီတလို
အရာအားလုံးဟာလှပလို့…..
အိမ်မက်တွေကိုစည်းချ
မညီညာတဲ့ဂီတနဲ့
မှောင်မိုက်တဲ့ညတွေအတွက်
သူက…..
တစ်ဦးတည်းသော အလင်းရှင်ပါပဲ


Type rest of the post here

ကျရှုံးခြင်း

နေမင်းက
ညနေခင်းနဲ့စစ်ခင်းတယ်
နီနီကျင့်ကျင့်နေရောင်အောက်
တိမ်တွေအရောင်တောက်လို့.....
ရှင်နေမင်းက
ညနေခင်းရဲ့ဓါးသွားအောက်
အသက်ပျောက်လုဆဲဆဲ.....
မြစ်ရေပြင်မှာ
နီတောက်တောက်အရောင်တွေ
နေမင်းရဲ့သွေးတွေလား
ကျဆုံးတော့မယ့်ရှင်နေမင်းက
တစ်နေ့တာအတွက်နှုတ်ဆက်တယ်
နောက်တစ်နေ့မနက်ခင်း
သူပြန်လင်းလာမှာပဲလေ
ချစ်သူရေ.....
အဲဒီလိုပဲပေါ့
မင်းအမုန်းအောက်
ဒူးထောက်ခဲ့ရပေမယ့်
အလင်းပြန်ရမယ့်မနက်ခင်းတွေကို
ငါ...တမ်းတနေဆဲပါဟာ


Type rest of the post here

အပြန်လမ်းဆီ…..

ချစ်သူ့ရင်ခွင်
ပင်လယ်ပြင်သို့
မှတ်ယူမွေ့ပျော်
ဒုက္ခသော်မှ
ပျားရည်တမျှ
ချိုမြိန်လှ၏

ချစ်သူ့ပါးပြင်
ပန်းအသွင်သို့
သည်းထိတ်ဖိုလှိုက်
နမ်းကာရှိုက်သော်
ဘယ်ပန်းမမှီ
မွှေးပျံ့ကြိုင်သည်

ဒုက္ခနှင့်ကြုံ
စိတ်ဓါတ်ကုန်လျှင်
ဆန္ဒတစ်ခု
တောင်းဆုပြုသည်
” ချစ်သူ၏လက်ကို
ဆုပ်ကိုင်ခွင့်ရပါရစေ”

ပျော်ရာမနေ
တော်ရာနေမို့
ဖော်ကွာဝေးသူ
သည်းအားငယ်တယ်
မျှော်ကာငေးလို့
လွမ်းမကုန်တယ်
ချစ်ဦးသူရယ်….
နွမ်းမပြေသာ
လွမ်းနေတာသိရင်ဖြင့်
လှမ်းကာလေပြေးကြို
မောင်ပြန်ရာလမ်း
အပြုံးပန်းနဲ့
မမုန်းတမ်းစောင့်နေနော်…….


Type rest of the post here

…..ကျွန်တော်…..

ငါက….
အညတရ Blogger
ဂစ်တာတစ်လက်
ကော်ဖီတစ်ခွက်နဲ့
မထင်မရှား Blog လေးတစ်ခုသာပိုင်တဲ့
ရုပ်ဆိုးဆိုးကောင်လေးတစ်ယောက်ပေါ့

ငါက….
ကြမ်းတမ်းတဲ့ဘ၀မျိုးနဲ့
နူးညံ့တဲ့သံစဉ်လေးတွေဖန်တီး
သိမ်မွေ့တဲ့ကဗျာကာရန်လေးတွေရေးစပ်
တိတ်ဆိတ်တဲ့မနက်လေးတွေနဲ့
ကျေနပ်လို့နေသူပေါ့

ငါက….
ခပ်ပြင်းပြင်းအရက်တစ်ကျိုက်
ဆေးလိပ်လေးတစ်ရှိုက်နဲ့
စိတ်ကူးတွေရွက်လွှင့်
မျှော်လင့်ချက်တွေတပုံတပင်နဲ့
မနက်ဖြန်တွေကိုခရီးဆက်နေသူပေါ့

ငါက….
ချစ်ခြင်းမေတ္တာအတွက်
နှလုံးသားတစ်ခုပေးဆပ်ဖူးသူ
မြတ်နိုးတဲ့မနက်ခင်းတွေ
တန်ဖိုးထားတဲ့ကဗျာတွေ
ခံစားတတ်တဲ့သံစဉ်တွေ
အားလုံး..အားလုံး
အချစ်အတွက်
ပေးဆပ်ဖူးသူပေါ့

အခုတော့..ငါက
သူပေးတဲ့ဒဏ်ရာတွေနဲ့
အလွမ်းတွေထွေးပိုက်
ကာရန်တွေကြားမှာပျော်ပိုက်နေသူ…..


Type rest of the post here

တုနှိုင်းမဲ့ရာ အဖေ့မေတ္တာ

အဖေ
လှမ်းလို့ဖြတ်သန်း၊ဘ၀လမ်းမှာ
အားခဲမာန်ခဲ၊ဇွဲနဘဲနဲ့
အခက်အခဲ၊မြစ်ပြင်ထဲမှာ
တက်ကျိုးခဲ့သော်၊လက်ထိုးလှော်သည်
အနှိုင်းမဲ့သော၊ကျွန်တော့်အဖေ။ ။

အဖေ
မပြည့်ဆန္ဒ၊မရှိစေရ
ပူဆာသမျှ၊လိုတာရအောင်
နေပူမကြောက်၊မိုးတစ်ဖျောက်လည်း
မသိသယောင်၊သူထမ်းဆောင်သည်
တာဝန်ကျေသော၊ကျွန်တော့်အဖေ။ ။

အဖေ
ကံကြမ္မာက၊ဖန်လာရက်သည်
အသက်တစ်ဝက်၊ကျော်မဖြတ်ခင်
ဘ၀လမ်းမှာ၊ပန်းခဲ့သမျှ
ဇရာထမ်းကာ၊ပိခဲ့ရသည်
လေဖြတ်သွားသော၊ကျွန်တော့်အဖေ။ ။

အဖေ
သားသမီးတို့၊မျက်ရည်စီးတော့
ဝေဒနာကို၊ရင်မှာချုပ်တီး
ဟန်လုပ်အပြုံး၊သူဖုံးအုပ်သည်
ရဲရဲရင့်ရင့်၊အားမာန်ဝင့်ကာ
မကြောက်မရွံ့၊နောက်မတွန့်ခဲ့သောအဖေ။ ။

အဖေ
မကျန်းမာလည်း၊ထမ်းကာစွမ်းသည်
အိမ်ထောင့်တာဝန်၊သူကျေပွန်သည်
တုနှိုင်းမဲ့ရာ၊ဖေ့မေတ္တာနဲ့
အတားအဆီး၊ဘ၀ခရီးမှာ
အားတင်းကာကျော်ဖြတ်ခဲ့တဲ့အဖေ။ ။

ဪ….အဖေ
အဖေချစ်တဲ့သား
အဖေ့နားမှာမနေနိုင်ပေမယ့်
တုနှိုင်းမဲ့မေတ္တာ
အစဉ်သာတမ်းတ
ရင်မှာသတိတရနဲ့
မှန်းဆစိတ်ရည်
လက်အုပ်ချီလို့
ရှစ်ခိုးဦးချ
တမ်းတလျှက်ပါအဖေ
ကျန်းမာစေကြောင်း
သားဆုတောင်းလို့
အချိန်တန်လို့
အိမ်ပြန်ရတဲ့အခါ
အပြုံးပန်းနဲ့
လှမ်းကြိုမယ့်အဖေ့ကို
မှန်းဆမြင်ယောင်ရင်း
တစ်နယ်ကျေးကသား
အဖေပေးတဲ့အားနဲ့
အတားဆီးမှန်သမျှ
အားတင်းဖြတ်ကျော်မယ်…အဖေ


Type rest of the post here

အဝေးရောက်ချစ်သူသို့…အမှာစာ

ကောင်မလေးရေ
အနေဝေးပေမယ့်
အတွေးတွေထဲမှာ
မင်းပဲစိုးမိုးလို့နေတယ်
လူချင်းဝေးပေမယ့်
နှလုံးသားချင်းနီးနေဆဲပါ
ပြန်ဆုံမယ့်ရက်
လက်ချိုးတွက်ရင်း
လွမ်းစိတ်လေးတွေ
တိုးတိတ်ဖြေကြမယ်နော်
ဘေးစကားတွေ
တစ်ဆင့်ကြားလို့
မင်းအနားကဝေးသွားရမှာစိုးတယ်
ယုံကြည်မှုတွေအနားထား
ချစ်စကားတွေပြန်ကြားလို့
အမှန်အမှားကိုခွဲခြား
ဘေးစကားတွေမယုံနဲ့နော်
အတူရှိခဲ့တဲ့
ပျော်စရာနေ့ရက်လေးတွေ
သတိတရ
တမ်းတမိနေသူပါ
ပြန်ချိန်တန်ရင်
အရောက်လှမ်းခဲ့မယ်
အပြုံးပန်းနဲ့
လှမ်းလို့ကြိုနော်


Type rest of the post here

နာကျင်မျက်ရည်

လှိုက်ခနဲတက်လာတဲ့မျက်ရည်
ဆစ်ခနဲနာသွားတဲ့ နှလုံးသား
အမြင်တွေေ၀၀ါးလို့
ဪ…ငါငိုမိနေပြီပဲ
ရင်နင့်အောင်ချစ်ခဲ့တဲ့အတွက်
ရလဒ်ကမျက်ရည်တွေပဲလားချစ်သူရယ်
မကြုံချင်ခဲ့ပေမယ့်
ဆုံခဲ့ရတဲ့တစ်ခဏလေး
ခွဲခွာချိန်တဲ့လား
ရက်စက်တယ်လို့မပြောရက်ပေမယ့်
အမုန်းတွေကခါးသီးလွန်းတယ်
ဖြစ်လာမယ်ဆိုတာသိပေမယ့်
ငါ..ကြိုမတွေးရဲခဲ့ဘူးလေ
နင်မရှိတော့ပေမယ့်
ငါမမေ့ပါဘူးဟာ
ပေးဆပ်မှုတွေအတွက်
တစ်ချက်လောက်လှည့်ကြည့်ပေးပါလားကွာ
ပြန်မရနိုင်မှန်းသိပေမယ့်
တမ်းတမိနေသေးတယ်
ဟိုအရင်ပျော်ရွှင်ခဲ့ချိန်တွေ
နင်သာမှတ်မိမယ်ဆို
တစ်ခါလောက်ပြန်လာခဲ့ပါလားဟာ……..

အဝေးရောက် အလွမ်း

ဂစ်တာကြိုးလေးပေါ်
လက်ချောင်းတွေပြေးလွှား
သံစဉ်တစ်ခုညည်းတွားရင်း
ရင်ထဲကအလွမ်းတွေကို
ကာရန်ညှိလိုက်တယ်
ကော်ဖီတစ်ငုံနဲ့
ရှေ့ဆက်ဖို့အားတင်းတယ်
မျက်လုံးတွေမှိတ်
အမြင်အာရုံမှာ
မင်းမျက်နှာလေး
တစိမ့်စိမ့်ကြည့်ငေးရင်း
မင်းကိုလွမ်းတဲ့အကြောင်း
သံစဉ်လေးနဲ့ပြောပြလိုက်တယ်
ခွင့်လွှတ်ပါ..ချစ်သူ
အမှန်ဆိုရင်
မင်းနားမှာထိုင်
မင်းလက်လေးကိုင်ပြီး
မင်းကိုလွမ်းတဲ့အကြောင်း
ပါးလေးအပ်ပြီးပြောပြရမှာ
အခုတော့လေ…..
တို့တွေအနေဝေး
မရေမရာအတွေးတွေနဲ့
တနယ်ကျေးမှာ
အဆွေးပိုနေရတယ်လေ
ပြန်ဆုံချိန်ကို
လက်ချိုးတွက်ရေ
ကြိုနေမှာလား ချစ်သူ
တို့ပြန်ဆုံရင်
အလွမ်းတွေအတွက်
ပြန်ပေးဆပ်ပါ့မယ်
အခုတော့လွမ်းနေလေဦးတော့
အဝေးက ချစ်သူရေ…….


Type rest of the post here

ကမ္ဘာပြိုခဲ့ပြီ

ချစ်သူထားခဲ့တဲ့ ဒဏ်ရာ
ခံရခက်တဲ့ဝေဒနာပေါ့
မျက်ရည်ခမ်းအောင်
လွမ်းခဲ့ရလည်း
ပန်းတစ်ပွင့်လို
နွမ်းလင့်လို့ကြွေ
ဪ…အထီးကျန်ခဲ့ပေါ့
နင်ခြွေခဲ့လည်း
မွှေးဆဲပါလေ
နင့်အတွက်အချစ်တွေ
ရင်ထဲမှာ ဝေနေဆဲ
မျက်ရည်လမ်းမှာ
အသည်းကြွေထမ်းလို့
မှန်းရည်လွမ်းမယ်
နောင်တဆိုတာမရှိဘူး
အတိတ်ကိုမေ့ထားလိုက်မယ်
ဟောဒီလောကကြီးမှာ
ငါဆိုတာရှိနေသမျှ
နင့်ကိုတမ်းတနေမှာ
နင်မသိလဲနေပါ
ငါ့အတွက်က
နင်ဆိုတာရှိနေမှာပါပဲ


Type rest of the post here

ပန်းသခင်....သို့

ထာဝရအတွက်ရည်မှန်း
ပန်းကလေးပွင့်လန်းခဲ့ပြီ
တစ်ပွင့်တည်းသောပန်း
သစ္စာရေပက်ဖြန်းလို့
မင်းနမ်းရင်မွှေးမှာပါ
ဖြူစင်စွာပွင့်လန်း
ရင်ဘတ်ထဲကပန်းမို့
မင်းပန်ရင်လှမှာပါ
နှလုံးသားမှာအမြစ်တွယ်
ပစ်ဖယ်လို့သွားရင်
အဲဒီပန်းလေး
နွမ်းလွင့်ကြွေမှာမို့
မင်းကေသာဦးမှာ
လန်းစွင့်ပါရစေလားကွာ
ပန်းသခင်ရေ
မေတ္တာစစ်နဲ့
အချစ်မှာပွင့်ပါရစေ
လှမ်းဆွတ်လည့်ပါ
မင်းအတွက်ပွင့်တဲ့ပန်း
(ရင်ဘတ်ထဲမှာ)
မွှေးပျံ့လို့နေပြီလေ.....


Type rest of the post here

အိမ်မက်ထဲကအလွမ်း

အဲဒီညတုန်းက
လမသာသလို
ကြယ်တွေလည်းမရှိပါဘူး
ဒါပေမယ့်....
ငါ့သန်းခေါင်ယံက
သူ့အလင်းနဲ့
အေးမြစွာလင်းလို့နေခဲ့တယ်
အိမ်မက်လေးရေ
ပြီးဆုံးသွားမှာအရမ်းကြောက်တယ်
မင်းအပြုံးလေးက
ရင်ထဲမှာအေးလို့ပါ
တစ်သက်လုံးသိမ်းထားပါရစေ
နှလုံးသားမှာ
ပြန်လည်ဆုံတွေ့ရဦးမှာလား
မရေရာမှုတွေနဲ့
ည ကိုမျှော်တယ်
ည ရောက်ရင်ခုန်တယ်
တစ်ခါတစ်ခါ
မင်းရောက်မလာရင်
အိမ်မက်ထဲမှာကို
ငါ.....လွမ်း.....တယ်
ခုဆို....
သူရောက်မလာတာ
ကြာ......ပြီ......ပေါ့

Type rest of the post here

ငါ့တိုင်းပြည်

ကောင်မလေးရေ.....
သစ်ရွက်ကြွေတိုင်း
လေတိုက်လို့မှမဟုတ်တာ
ကမ္ဘာပြိုမှာ
ဘာလို့ကြောက်ရမှာလဲ
ဟိုး....မှာ
ကြည့်လိုက်စမ်း
မျှော်လင့်ချက်တွေနဲ့
အရောင်ဖိတ်ဖိတ်တက်နေတဲ့
ငါ့..အနာဂါတ်တိုင်းပြည်
ယုံကြည်စမ်းပါ
ကမ္ဘာပျက်လည်း
မျှော်လင့်ချက်တွေမရပ်ဘူး
အနာဂါတ်ကိုသွားမယ်
အတောင်ပံတွေမရှိပေမယ့်
အားမာန်တွေနဲ့ချီတက်မယ်
လာပါချစ်သူ
အလင်းတစ်ခုနဲ့
ထွန်းညှိထားတဲ့နေရာ
ဒါ......ငါ့တိုင်းပြည်


Type rest of the post here

အနမ်းကို ပြန်လွမ်းခြင်း

ရေပေါ်ကိုနေရောင်တက်
လျှပ်စီးလက်သလိုပဲ
တစ်ဒင်္ဂလေးပါ
ဒါပေမယ့်....
တစ်ဘ၀လုံးမေ့မှာမဟုတ်ဘူး
နင့်နားမှာထိုင်
နင့်လက်လေးကိုင်ပြီး
နင့်စကားတွေနားထောင်ဘူးတယ်
နင့်ပါးမှာသနပ်ခါးတင်တော့
ငါ့ရင်မှာဘလောင်ဆူ
နမ်းယူဖို့နှုတ်ခမ်းပြင်တော့
ရှက်သွင်သွင်ဟန်နွဲ့
ပန်းပွင့်ကိုလေချီသလို
ဘယ်ညာဆီရှောင်သွဲ့
နမ်းခက်တော့မူပို
ကလူသလိုပြုံးတုံ့တုံ့
ဟန်ပန်ကိုနင်လုပ်တော့
နှုတ်ခမ်းတွင်
နမ်းမယ်ပြင်ရှေ့တိုး
ဒီတစ်ခါမရုန်းအောင်
ကိုယ်လုံးလေးရင်ခွင်ဘောင်သို့
တင်းတင်းကြပ်ကြပ်
ဆွဲဖက်လို့ထားတော့မယ်
ရုန်းပါနဲ့လေး......

Type rest of the post here

ပန်းပွင့်လေးအားရေလောင်းခြင်း

လောကထဲသို့
အတောင်များထုတ်လိုက်ပါ၏
ကမ္ဘာမြေ၌
ပန်းများပွင့်ကြစေ
ငါ့မျက်ရည်များဖြင့်
လောကကြီးအေးချမ်းမည်လား
ဘ၀စာမေးပွဲမှာ
grade 5 နှင့်အောင်ဖို့မလိုဘူး
သူရှိရင်မနက်ခင်းတွေလင်းတယ်
ပြန်လာဖို့မျှော်ရတာ
အိမ်မက်တွေခမ်းကုန်ပြီ
အဖော်မဲ့ငှက်လေးတွေမြင်တိုင်း
နင့်ကိုအရမ်းလွမ်းတယ်
နင်ကြိုက်တဲ့သီချင်းတွေကြားတိုင်း......
နင့်ဓါတ်ပုံလေးကြည့်မိတိုင်း......
ကောင်မလေးရေ
ပြန်လာခဲ့နော်
ကြယ်မစုံလည်း
လမင်းသာလို့ရပါတယ်ဟာ


Type rest of the post here

မိုးခိုသူ

တစ်ခါတစ်ခါ
ငါဘာလဲဆိုတာငါမသိဘူး
ငါ့ဘ၀က တိမ်တွေမှိုင်းနေတတ်တယ်
မိုးကိုမျှော်ရင်း
ရေငတ်ပြီးသေဘူးတယ်
ကောင်းကင်မရှိတော့
အိမ်မက်ဦးကလမင်းမသာဘူး
အချစ် ဆိုတာ
ကော်ဖီတစ်ခွက်လောက်မှအနံ့မသင်းတာ
အရက်တစ်ခွက်လောက်ရော
မူးခဲ့လို့လား.....
ငါမခေါ်ပဲလာတယ်
ငါမနှင်ပဲပြန်တယ်
နင်က...မိုးခိုသူပါ
မိုးရွာတုန်းခဏလေး
ငါ့နှလုံးသားအောက်
နင်ဝင်ရောက်ခဲ့တာ
ကျေနပ်ပါတယ်လေ
နင်မိုးမစိုခဲ့ပါဘူး
နောက်တစ်ခါမိုးရွာရင်
ငါ့ရင်ခွင်ခိုဝင်လှည့်ဦးနော်
ငါ...နင့်ကိုကာကွယ်ပေးမယ်


Type rest of the post here

ကဗျာဆရာ (၂)

ငါ့မနက်ခင်းက
စကားလုံးတွေနဲ့မွှေးပျံ့နေတတ်တယ်
ဘယ်သူမှမသိတဲ့
ခပ်ရင်ရင့်အရောင်တွေနဲ့
ငါ့ကောင်းကင်ကလင်းတယ်
ဘာမှမလိုပါဘူး
ကဗျာရှိရင်ဖြစ်တယ်
ဇရာပဲအိုအို
ကမ္ဘာပဲပြိုပြို
ကဗျာကိုတော့မစွန့်လွှတ်ဘူး
ဒါ...ကျိန်စာမဟုတ်ဘူး
သစ္စာတရားနဲ့
နှလုံးသားရဲ့
ဟိုး.....အနက်ရှိုင်းဆုံးနေရာက
မှီတွယ်မှုကင်းတဲ့
အလင်းမဲ့အော်သံ
နယူတန်ရဲ့နိယာမလို
တန်ပြန်သက်ရောက်မှုရှိရင်တော့
ဒီကမ္ဘာမှာ
ငါ့ကဗျာတွေလင်းစေသား.......


Type rest of the post here

ပန်းတွေပွင့်တဲ့ အနမ်းလင်္ကာ

အနမ်းခြွေတုန်းက
ပန်းတွေဝေခဲ့ဘူးတယ်
စမ်းရေတွေအေးလို့
လေပြေတွေသွေးကြတယ်
ကြယ်တွေလင်းပြီး
လမင်းကြီးသာတယ်
ကမ္ဘာမြေက
အသာယာဆုံးတေးတစ်ပုဒ်ဆိုတယ်
သူ့ပါးထက်က
သနပ်ခါးရနံ့လေး
ခုထိမွှေးနေတုန်းပဲ
ပန်းနုရောင်ရှက်ပြုံးလေးက
ငါ့ရင်ထဲကိုမိုးပြေးလိုရွာတယ်
မှော်ဆရာဖန်ဆင်းတဲ့
ဝိုင်ချိုတစ်ခွက်ကိုသောက်ရသလို
နှလုံးသားတို့ဆတ်ဆတ်တုန်တယ်
ပန်းပွင့်အိမ်မက်ထဲက
ဝတ်မှုံတေးသွားတစ်ပုဒ်လို
သာယာနူးညံ့စွာ.....


Type rest of the post here

ကဗျာဆရာ

ကော်ဖီတစ်ခွက်
သန်းခေါင်ယံတစ်ခုနဲ့
စကားလုံးတွေကလှပနေလိုက်တာ
ကမ္ဘာပေါ်မှာပန်းတွေမရှိတော့သလိုလို
မွှေးလိုက်တာကွယ်
နှလုံးသားထဲကပန်းလေးတွေ
မိုးကောင်းကင်ထိပဲထိုးဖောက်တော့မလိုလို
အသက်သွေးထဲက
ယိုစီးဖိတ်ထွက်လာကြတယ်
စကားလုံးလေးတွေ
ဒါ..ငါ့ဘ၀
ဒါ..ငါ့ကမ္ဘာ
ဒါ..ငါ့အသက်
နှလုံးသွေးရပ်သွားမယ်ဆိုရင်တောင်
ငါ..ဆက်ရွတ်နေဦးမယ်
မျက်စိကိုစုံမှိတ်
အိမ်မက်လိုစိတ်ကူးတွေထဲမှာ
ငါ့ကဗျာတွေဖူးပွင့်ကြတယ်
ငါသေသွားရင်တောင်
ဒီကောင်းကင်ကြီးအောက်မှာ
ငါ့စကားလုံးတွေပျံ့လွင့်နေဦးမှာ
ငါ့ဝိညဉ်နဲ့အတူ
ငါ့ကဗျာတွေရှင်သန်နေဦးမယ်


လူတစ်ယောက်ဖြစ်တည်မှုက အောက်ဆီဂျင်ပေါ်မှာမူတည်တယ်
ကျွန်တော့်ဖြစ်တည်မှုက ကျွန်တော့်ကဗျာတွေပေါ်မှာပဲမူတည်ပါတယ်

Type rest of the post here

နတ်ဆိုးဆီရောင်းစားခံလိုက်ရတဲ့ သနားစရာ ငါ့အိမ်မက်လေး

အိမ်မက်တစ်ခုကိုမောင်းထုတ်ဖို့
မြင်းဆယ်ကောင်အားမလိုပါဘူး
နာကျင်ဝေဒနာအပိုင်းအစတွေနဲ့
ကွဲအက်နေတဲ့နှလုံးသားတစ်ခုပဲလိုတယ်
ငါ..မျှော်လင့်ချက်ကို
မနက်ခင်းနဲ့ရင်းပြီးပြီ
အဲဒီကောင်းကင်က
ငါ့အတွက်မှမဟုတ်တာ
ပန်းကြွေဝတ်မှုံကို
သီချင်းလုပ်ဆိုပြီး
ကြယ်တွေနဲ့စီးချင်းထိုးရမှာလား
ခပ်ရင့်ရင့်စကားလုံးတွေနဲ့
ငါ့အိမ်မက်ကိုမရောင်းစားပါနဲ့
သုံညကမချိုပါဘူးဟာ
ဟုတ်တယ်လေ
ငါက နှလုံးသားမှအပိုမပါတာ
ဝိုးတ၀ါးအိမ်မက်လေးနဲ့
သန်းခေါင်ယံတွေအသက်ဆက်နေခဲ့ရတာ
ပန်းပွင့်တွေကြွေတော့
ငါလည်းငိုတာပေါ့ဟာ
တစ်ခုတော့ပြောချင်သေးတယ်
လမင်းကလည်း
သေချာကြည့်ရင် “ သုံည ” ပါပဲ

Type rest of the post here

ခြားနာခြင်း

ငါက...
သူ့ကောင်းကင်ကြီးလှပဖို့အတွက်
ကြယ်လေးတစ်ပွင့်ဖြစ်ခဲ့သူပါ
ဒါပေမယ့်...
ငါနေရာက သေးလွန်းတယ်

ငါက...
သူ့ဘ၀လေးမွှေးပျံ့လှပဖို့
တယုတယစိုက်ပျိုးပေးခဲ့တဲ့
ဥယျာဉ်မှုးတစ်ယောက်ဖြစ်ခဲ့သူပါ
ဒါပေမယ့်...
သူ့တန်ဖိုးကကြီးလွန်းတယ်

ငါက...
သူ့ဘ၀လေးတိုးတက်မြင့်မားဖို့
ဒုက္ခတွေကိုခါးစည်းခံခဲ့တဲ့
လှေကားထစ်လေးတစ်ခုဖြစ်ခဲ့သူပါ
ဒါပေမယ့်...
ငါ့အဆင့်ကနိမ့်လွန်းတယ်

ငါက...
သူလျှောက်တဲ့လမ်းမှန်ကန်ဖြောင့်ဖြူးဖို့
တည့်မတ်လမ်းညွှန်ပေးခဲ့တဲ့
အလင်းရောင်လေးတစ်ခုပါ
ဒါပေမယ့်...
ငါ့အလင်းကမှိန်လွန်းတယ်

ငါက...
သူ့ဘ၀လေးသာယာဖို့
နှလုံးသားကိုသော့ခတ်ပြီး
ရင်နင့်စွာကျောခိုင်းခဲ့သူပါ
ဒါပေမယ့်...
နောက်ဆုံးထွက်သက်အထိ သူ့ကိုချစ်နေဦးမှာပါ

Type rest of the post here

ပန်ဆုခြွေ

ပင်မြင့်မှာပျော်
တော်ဝင်သည့်ပန်း
နန်းမြင့်သဇင်
ဆောင်းဝင်ရင်လှိုင်လှိုင်ပွင့်တယ်
ဖိုးထိုက်သည့်ပန်း.......။ ။

ခုနှစ်ဆောင်နန်းမြင့်
လှမ်းလင့်လို့မချူသာတယ်
ပပဦးရယ်
မဖြေသာရတက်ပွေလို့
ပန်ခွင့်ကိုမျှော်
မပျော်သာရင်နင့်ကာပ
နမ်းရှိုက်ကာယုယချင်လည်း
အတွေးသာကွယ်
အဆွေးသာပိုရတယ်
နန်းထိုက်သည့်ပန်း.....။ ။

ပန်းသဇင်လိုကွယ်
နန်းရင်မှာပွဲလယ်တင့်
မချုသာတယ်
ဒီလူ့မှာဆုသာတောင်းရတယ်
ဝေပါစေကွယ်
ခြွေရက်သူမတွေ့စေနဲ့
ကြွေပျက်ရင်သည်းမှာနွမ်းတာမို့
မှန်းဆလို့ပျိုး.....။ ။


Type rest of the post here

ရင်နင့်အလွမ်း

တမ်းတမှန်းရည်
ရွာဦးဆီသို့
ခရေပင်အောက်
ပန်းတွေကောက်ရင်
သီကာခရေ
ပန်ပေးလေသည့်
ချစ်သူ့ဆံနွယ်
မွှေးပျံ့ပျံ့ဝယ်
တစ်သက်တာမှန်း
တမ်းကာနမ်းသည်
လေပြေလေးတို့သက်သေတည်.....

မရွယ်ပဲဖြစ်
ချန်ရစ်ခဲ့သည်
ကံကြမ္မာရယ်
ဖန်လာရက်တယ်
ဖယ်ခွာအဝေး
သူထွက်ပြေးသည်
ဘယ်ဆီဘယ်ဝယ်
မှန်းကာရွယ်လည်း
သူပြန်မရောက်
လမ်းစပျောက်ပြီ
ပန်းခရေတို့
နွမ်းလေပြီကွယ်
ခရေပင်အောက်
ပြန်ရောက်လေတိုင်း
ချစ်သူ့ဆံနွယ်
မှန်းရွယ်သီကုံး
လေအဝေ့မှာလွင့်လွင့်လူးတယ်
ပန်းခရေတို့ပြုံး.....


Type rest of the post here

တစ်ချိန်တုန်းက..မိုးရာသီ

တိမ်မည်းတစ်ချို့
မှိုင်းညို့ညို့နဲ့
မိုးကွက်ကိုဆင်
ရွာမယ်ပြင်တယ်...
လျှပ်ပန်းနွယ်ယှက်
ကောင်းကင်ထက်မှာ
တစ်ချက်မိုးချိန်း
မိုးလုံးဟိန်းသို့
ကိုရွှေမိုးကိုအကြိုထောက်တယ်.....
မကြာခင်မှာ
ရွာဆင်တဲ့..မိုး
အညှိုးတေးက
ရွှဲရွှဲစိုအေး
ဖားလေးတို့ပျော်
မိုးကိုမျှော်သူ
ရွှေတောင်သူတို့
ထွန်တုန်းကိုပြင်
လုပ်ငန်းခွင်သို့
ကိုယ့်နွားကိုယ်တွဲ
ဓါးကိုဆွဲလို့
တာဝန်ထမ်းဖို့ပြင်ကြတယ်.....
လယ်ကန်သင်းဘေး
ရေပြင်ဖွေးလို့
မိုးစက်တစ်ပေါက်
သူ့ဆီရောက်ရင်
ခုန်ပေါက်ပျော်ရွှင်
ဘေးသို့စင်တယ်.....
ကန်ဘောင်ဘေးဘက်
ကန်စွန်းရွက်တို့
စိမ်းစိမ်းစိုစို
အလှပိုလျှင်
ကလေးတစ်သိုက်
ခြင်းကိုပိုက်လို့
မိုးတေးကိုဆို
ခူးဆွတ်လို့ပျော်ကြတယ်.....
ဂဏန်းနှိုက်ကာ
ဖားကောက်ကာနဲ့
အဲဒီဘ၀
အေးချမ်းလိုက်တာ
အဖေအပြန်
လက်မှာခိုဆွဲ
ဗျိုင်းသားချိုချို
စားစေလိုလို့
အိမ်ပြန်တိုင်းဖမ်းလာတတ်တဲ့..အဖေ
အမေ့လက်ရာ
ညနေစာက
မိုးနဲ့အပြိုင်
မြိုင်ဆိုင်လှတယ်......
ဘ၀မှာ
အဲဒီလိုမိုးမျိုး
ဘယ်တော့များမှပြန်ရွာမှာလဲ
မိုးလေးဖွဲရင်
ပြန်ရောက်ချင်သည်
ငယ်ငယ်တုန်းက ယာခင်းဆီ.....


Type rest of the post here

အေးချမ်းပါစေ..ကမ္ဘာမြေ

ဖြူစင်သန့်ရှင်း
မေတ္တာလင်း၍
အမုန်းကင်းစင်
လူသားရင်၌
နူးညံ့သာယာ
လင်းကမ္ဘာသို့
အမှောင်ကိုခွင်း
အလင်းပေးလျှင်
ငါတို့ပျော်ရာ
ဤကမ္ဘာသည်
ငြိမ်းချမ်းသာယာရှိလိမ့်မည်.....
တစ်ဦးမေတ္တာ
တစ်ဦးမှာသို့
ခွင့်လွှတ်ခြင်းလျှင်
အောင်နိုင်ရာသည်
ဒေါသထိန်းချုပ်
အမုန်းရုပ်၍
သည်းခံခြင်းဖြင့်ငြိမ်းချမ်းကြစေ.....
လူတို့ဌာနေ
ကမ္ဘာမြေကြီး
အမုန်းကင်းစင်
ချမ်းမြေ့ရွှင်အောင်
ပန်းတို့ဝေသီ
မွှေးပျံ့ကြည်အောင်
အားနည်းသောသူ
ဝိုင်းဝန်းကူ၍
ညှာတာထောက်ထား
မေတ္တာပွားစေ
ဒေါသအစား
နှလုံးသားဖြင့်
အပြုံးများလုပ်
အမုန်းထုပ်၍
အေးမြကြည်လင်
ပျော်ရွှင်ကြစေ
ကမ္ဘာမြေကြီးငြိမ်းချမ်းစေ.....



Type rest of the post here

ရေမြေခြားမှာ သာတဲ့ “ လ “

အမေ့အိမ်
စိတ်ငြိမ်တဲ့လမ်း
မှန်းဆတမ်းရည်
ဒီခရီးသာရင်ဖြင့်
မကြာတစ်ခေါက်
အရောက်လာမယ်..အမေ
သားကိုမျှော်
တော်ရာမှာနေလို့
မခေါ်ရက်တာသားသိတယ်..အမေ
အမေသိပ်မှ
အိပ်တတ်တဲ့ သား
အမေချက်မှ
စားတတ်တဲ့ သား
အမေ့ရင်ခွင်ကြား
ခေါင်းလေးထားချင်သေးတယ်..အမေ
အမေ့အနမ်း
ပန်းရေချမ်းလို
သင်းထုံပျံ့မွှေး
အားမာန်ပေးတယ်
အာရုဏ်တက်
မနက်လင်းရင်
ကျက်သရေအပေါင်း
ခညောင်းဝေဖြာတဲ့
အမေ့တရားသံသာ
တစ်ခါကြားချင်
ရင်ဝယ်တမ်းတ
မှန်းဆရည်စူး
စိတ်ကူးနဲ့သာဖြေရတယ်
အမေနဲ့သား
ရေမြေခြားနေလည်း
အမေ့မေတ္တာ
လရောင်ဖြာလို
ကြည်သာရွှန်းပ
အေးမြပါတယ်..အမေ
ဘယ်နေရာမှာ
လမင်းသာသာ
အေးမြမှုကတော့
အတူတူပါပဲ..အမေရယ်


Type rest of the post here

မျက်ရည်တို့ရဲ့ ရာဇ၀င်

ကောင်မလေးရေ......
ငါက..နင့်မာယာတွေကိုမှ
ရင်နင့်အောင်ချစ်ခဲ့မိသူပါ
နက်ရှိုင်းစွာပေးဆပ်မှုအတွက်
ရလဒ်ကခါးသီးလွန်းတယ်
နင့်နှုတ်ခမ်းဆီက
မာယာစကားလုံးတွေနဲ့
ငါ့အိမ်မက်တွေတည်ဆောက်ခဲ့တာပါဟာ
ဒါပေမယ့်..နင်က
မှိန်ပျပျအလင်းပဲပေးခဲ့တယ်
နင့်သီးစွာရှိုက်ငိုရင်း
နွမ်းနင့်နင့်လွမ်း
နင်ပေးတဲ့လမ်းကတိုလွန်းတယ်
မျက်လုံးမှိုတ်လိုက်တိုင်း
အပြုံးလေးတွေမြင်နေရသေးတယ်
အသံလေးတွေကြားနေရသေးတယ်
နင်ကပန်းပွင့်လေးဆိုရင်
ငါက..နင့်ရဲ့ပွင့်ဖတ်လေးမှာနေတဲ့
ရေစက်လေးတစ်ပေါက်ပေါ့
နင့်ရဲ့စိမ်းကားစွာရက်စက်မှုကြောင့်
မြေပေါ်သက်ဆင်းခဲ့ပြီလေ
ဒါပေမယ့်ဟာ.....ငါက
နင့်မာယာတွေကိုချစ်တဲ့သူပါ
နင်မရှိတော့ပေမယ့်
နင့်အငွေ့အသက်တွေ
နင့်ပုံရိပ်လေးတွေ
နင့်အသံလေးတွေ
..........................
.........................
...........................
နင်ပြောခဲ့ဖူးတဲ့
ချစ်စကားလေးတစ်ခွန်းရယ်
ပြီးတော့......
နင့်အတွက်ကျခဲ့တဲ့
မျက်ရည်တွေရယ်...........

Type rest of the post here

က္မျန်တော်နှင့်စာသင်ခန်းလေး

မကြည့်တစ်ခါ
မမြင်တစ်လှည့်
မစိုက်တစ်ခါ
မကြားတစ်လှည့်
မစစ်တစ်ခါ
မရေးတစ်လှည့်
မရတစ်ခါ
မမေးတစ်လှည့်
မရောက်တစ်ခါ
မတက်တစ်ရက်
မနိုးတစ်ခါ
မထတစ်ရက်
ဪ..လွမ်းလိုက်တာ
စာသင်ခန်းလေးရေ.....

Type rest of the post here

ပြန်လာပါ

ချစ်သူ....
မင်းအကြည့်တစ်ချက်
တစ်ကမ္ဘာမှတ်ခဲ့ဘူးတယ်
မင်းစကားတစ်ခွန်း
ယစ်မူးလှိုက်မောဘူးတယ်
မင်းမျက်စောင်းတစ်ချက်
သေမတတ်ကြောက်ခဲ့ဘူးတယ်
မင်းနှုတ်ခမ်းတစ်ချက်အစူ
ရင်ခွင်ဗလောင်စူခဲ့ဘူးတယ်
ချစ်သူရေ.....
ဖြစ်လာမယ်ဆိုတာသိနေပေမယ့်
ငါ..ကြိုမတွေးရဲခဲ့ဘူးလေ
ဘယ်တော့မှမမေ့ဘူး
အမှတ်တရ Valentine
မျှော်လင့်ချက်တွေ
အရောင်တက်ခဲ့တဲ့နေ့.....
ငါ့ရာဇ၀င်မှာ
စာတင်ခဲ့တဲ့နေ့.......
တစ်နွေကုန်လို့
တစ်မိုးပြောင်း
တစ်ဆောင်းသစ်ပါစေ
မင်းပြန်လာမယ့်နေ့ကို
ငါ..စောင့်နေပါ့မယ်
ရင်ထဲကအချစ်
တစ်ကယ်စစ်ရင်
ငါ့ရေးနေတဲ့ကဗျာ
ငါ့ကာရန်တွေ
မင်းသိနိုင်ပါစေ......



Type rest of the post here

စိတ်ဝိညဉ်

ဟိုး.....ရှေ့မှာ
မြက်ခင်းပြင်တစ်ခု
ဂစ်တာတစ်လက်နဲ့
သံစဉ်တွေတီးခတ်ကြည့်တယ်
တိမ်တွေကခရီးနှင်နေတယ်
ခပ်မြင့်မြင့်သစ်ပင်ထက်ဆီက
ငှက်တစ်ကောင်အော်သံကြားတယ်
တောင်ကုန်းတစ်ခုက
ငါ့ကိုငုံ့ကြည့်လို့......
စိမ်းညို့ညို့တောအုပ်လေးတွေက
ငါ့ရဲ့အဖော်တွေလား
သူတို့အတွက်
ကဗျာတစ်ပုဒ်ရွတ်လိုက်တယ်
လက်ထဲကအရက်တစ်ခွက်က
နက်ရှိုင်းစွာအားပေးတယ်
ဒီလိုနဲ့......
ကောင်းကင်ကြီးက
မှိုင်းညို့ညို့အုပ်ဆိုင်း
လွမ်းတေးသီဖို့ပြင်တယ်
ကြည့်ရင်း..ကြည့်ရင်း
ငှက်ကလေးထပြန်သွားတယ်
မြတ်ခင်းလေးညှိုးသွားပြီ
တောင်ကုန်းလေးက
ငါ့ကိုကျောပေးသွားပြီ
ငါလည်း.....
အား..အင်..မဲ့..စွာ
မျက်ရည်တစ်စက
ပါးပြင်ကတစ်ဆင့်
အရက်ခွက်ထဲကျသွားတယ်
ငါ..မူး..နေ..ပြီ



Type rest of the post here

အထီးကျန်

မျက်စိရှေ့မှာ
ပန်းတစ်ခင်းရှိတယ်
ဒါပေမယ့်.....
ဘာလို့သူတို့မမွှေးကြတာလဲ
အိမ်ကလေးကလည်း
တိတ်ဆိတ်ငြိမ်သက်လို့.....
လောကအလှတွေက
သူနဲ့မသက်ဆိုင်သလို
လေပြေကလေးတွေ
ပါးပြင်ကိုတိုးဝှေ့လာတယ်
သူတို့ကရော......
ဘာလို့ ချစ်သူ့ဆံနွယ်တွေသယ်မလာကြတာလဲ
စမ်းရေစီးသံကြားတယ်
ဒါပေမယ့်.....
နားထဲမှာမသာယာဘူး
ပါးပြင်ထက်ကမျက်ရည်စတွေ
ဘာလို့များချစ်သူ့ပါးပြင်လောက်
နွေးထွေးမှုမရှိရတာလဲ
သူမရှိတော့.....
သာနေကြလမင်းတောင်
ဘယ်ဆီမှာလဲမသိတော့ဘူး
သန်းခေါင်ယံကလည်း
ကုန်ခဲလိုက်တာ......
မနက်ခင်းရောက်ရင်ရော......
သူနဲ့တွေ့ရမှာလား
ကောင်းကင်ကိုမော့ကြည့်တော့.....
မှုန်...၀ါး...လို့......


Type rest of the post here

ပျောက်ဆုံးခြင်း

ချစ်သူရေ.....
အသက်ရှုတိုင်းမင်းကိုလွမ်းတယ်
မင်းသိနိုင်မလား
ငါ့ညတွေက
အိမ်မက်ရိုင်းတွေခြောက်လှန့်လို့.....
မင်းအတွက်
အိပ်ပျက်ခဲ့တဲ့..ညတွေ
မင်းအတွက်
ပျောက်ဆုံးခဲ့တဲ့..မျှော်လင့်ချက်တွေ
ဘ၀ရဲ့အစ
ဖြူစင်တဲ့ချစ်ခြင်း
ရစ်တင်းနှောင်ဖွဲ့တော့
မျက်ဝန်းတွေဝေရီ
နှလုံးသည်းပျက်ကြေခဲ့ရပြီ.....
ဆိုင်သူမသိဘဲလွမ်းနေရတဲ့ ငါ့ဘ၀
ကူတွယ်မယ့်လူဟာ
ဒီကမ္ဘာမှာရှိသေးရဲ့လား......


Type rest of the post here

နောင်တမဲ့

မိုးစက်လေးတွေရေ....
ငါ့ကိုစိုစွတ်ပေးကြပါ
ရင်ထဲကနွေလေး
ငြိမ်းအေးသွားအောင်ပေါ့
ငါက....
မရနိုင်မှန်းသိရက်နဲ့
မျှော်လင့်မိသူပါ
အဲဒီအတွက်
တစ်ဘ၀လုံးကြေကွဲရလည်း
ကျေနပ်နိုင်ပါတယ်
ငါ့မျှော်လင့်ချက်တွေမှာ
နောင်တ..ဆိုတာမရှိစေရဘူး
ကောင်မလေးရေ.....
မျှော်လင့်နေဦးမှာပါ
ငါ..အသက်ရှင်နေသမျှပေါ့


Type rest of the post here

တိုးတိတ်နှုတ်ဆက်ခြင်း

ကောင်မလေးရေ...
ငါသွားရတော့မယ်
နှုတ်ဆက်ချင်ပေမယ့်
အခွင့်မရှိတဲ့အခြေအနေ
ဘယ်လိုဖြေရမလဲလေ.....
ရင်ထဲမှာပဲ
တိတ်တိတ် ရေရွက်
မကြားနိုင်မှန်းသိပေမယ့်
ငါ..ကျေနပ်ပါတယ်
ဖြူစင်တဲ့ချစ်ခြင်း
မြတ်နိုးခြင်းများနဲ့
နှလုံးသားက သစ္စာ
ထာဝရတည်စေမယ်
ဒီကမ္ဘာမှာ
ငါဆိုတာရှိနေသ၍
မင်းကိုထာဝရ ချစ်နေမယ်
မျှော်လင့်လွမ်းဆွေး
အနေဝေးပေမယ့်
သတိတရနဲ့
မင်းကိုတမ်းတနေမယ်....


Type rest of the post here

ငါ့..အနာဂတ်

မြတ်နိုးတွယ်တာစွာနဲ့
ရင်ထဲမှာ...တစ်ကယ်ချစ်ပါတယ်
ဒါပေမယ့်
သူသိအောင်ပြောပြဖို့ခက်
မေ့ပစ်ဖို့ဆိုတော့လည်း
နှလုံးသားကလက်မခံဘူး
ဒီလိုနဲ့ပဲ.....
အချိန်တွေကုန်လွန်
နေ့လတွေကျော်ဖြတ်
အုံ့ပုံးဘ၀နဲ့ပဲ
တိတ်တိတ်လေးလွမ်းလို့ပေါ့
လွမ်းနာကျနေတဲ့
ငါ့နှလုံးသားက
ဘယ်တော့များမှ
ပျော်ရွှင်ခွင့်ရမလဲ
တွေးရင်း ဆွေးရင်း
အနာဂတ်ဟာ
မှုန်ဝါးနေဆဲပါပဲ.....


Type rest of the post here

ဖြူစင်စွာဆုတောင်းခြင်း

ပန်းကလေးတစ်ပွင့်
လန်းစွင့်လာခဲ့တယ်
ပန်းသတင်း
လေညှင်းဆောင်လို့
နေရာတိုင်းမွှေး
မြင်သူငေးရတယ်
အဆင်းအလှ
ဝင်းပဖြူစင်
မယ်သီတာ..ပပ
လက်ဖျားခါရအောင်
ဘယ်ဘ၀ဆုတောင်း
ကောင်းခဲ့သလဲလေ.....
ပန်းကိုချစ်တော့
ပန်းချစ်သူ
နမ်းယူရှိုက်မွှေး
အလှလေးမို့
မြတ်နိုးကြင်နာ
တစ်သက်စာသို့
ရည်ရွယ်ဆုတောင်း
ပေါင်းကြရစေ....


Type rest of the post here

ချစ်သူချော့တေး

မြူမှုန်ခင်းတဲ့
အဲဒီ..ဆောင်းတစ်ညလမ်းမှာ
ပန်းတစ်ပွင့်ရဲ့အလွမ်း
နှင်းမကွဲသေးတဲ့မနက်ခင်းနဲ့
လမသာတဲ့အိမ်မက်ဦး
ရူးလောက်တဲ့သင်ခန်းစာပေါ့......
အလွမ်းကတစ်ပွေ့
အနမ်းကတစ်ခက်နဲ့
ပန်းတွေပွင့်တဲ့ “ ည “ ပေါ့.......
နှင်းတစ်ဝက်လမ်းပျက်မှာ
ငါတို့တွေချစ်လျှက်ခွဲရမှာလား
ကံကြမ္မာက....
အလုံးအရင်းနဲ့ရက်စက်တယ်
အလွမ်းတွေပြေ
ပန်းတွေဝေဖို့
အားအင်မာန်ပွား
အတောင်ပံများနဲ့
ချစ်သူအနားရောက်အောင်လာမယ်
ပန်းကလေးရေ...မငိုနဲ့နော်

Type rest of the post here

ငါ့...ဘုရင်မ

ထာဝရအမှတ်တရ
May .. ညလေးတစ်ည
(11.May.2007,FRI)
ပျော်ရွှင်မှုအပေါင်း
ခညောင်းဝေဖြာတယ်
သူ့အသံလေး
နားထဲချိုအေးတယ်
အဲဒီညက
အိပ်မရဘူး
ငါ့အတွေးထဲမှာ
သူက..နတ်သမီး
စိတ်ကူးများရဲ့..သခင်
ဗီးနပ်(စ်)ရဲ့..ဘုရင်မ
ရင်မှာမေ့မရတဲ့သူ
မျက်စိမှိတ်လည်း
သူ့ကိုမြင်တယ်
နားမစွင့်ထားလည်း
သူ့အသံကြားတယ်
သူက..ငါ့ဘုရင်မ


Type rest of the post here

ကျွန်တော့် “ အဖေ “

အခုစိတ်ထဲမှာဖြစ်နေတာလေးတွေပေါ့နော်..ဟိုတစ်နေ့က အိမ်ကိုဖုန်းဆက်တော့ အမေနဲ့ဖုန်းပြောရင်းသိလိုက်
ရတယ်..အဖေ နေမကောင်းဘူးတဲ့..အခုကျွန်တော် မော်စကိုမှာနေတယ်..နောက် (၂) နှစ်ကျော်မှ ပြန်ရမှာပါ..
ကျွန်တော်ဘာတတ်နိုင်မလဲ..ကျွန်တော်အရမ်းချစ်ရတဲ့ အဖေ..ကျွန်တော်ကိုအရမ်းချစ်တဲ့ အဖေ..အခုအချိန်မှာ
အဖြစ်ချင်ဆုံးက အဖေ့အနားမှာနေချင်ပါတယ်..ဒါပေမယ့် အခြေအနေ အကြောင်းအမျိုးမျိုးကြားမှာ ကျွန်တော်
နေခွင့်မရပါဘူး..မိသားစုတာဝန်ကိုကျေပွန်ခဲ့တဲ့..အဖေ..မိဘတာဝန်ကျေပွန်ခဲ့တဲ့..အဖေ..သားသမီးတွေကိုလူ
တစ်လုံးသူတစ်လုံးဖြစ်အောင်တာဝန်ကျေပွန်ခဲ့တဲ့..အဖေ..လောကဓံကိုမေတ္တာနဲ့ရုန်းကန်ခဲ့တဲ့..အဖေ..ဘ၀လမ်း
မှာ ဇရာနဲ့ ခရီးပန်းနေပါပြီ..ကျွန်တော်မျက်ရည်ကျရုံကလွဲပြီးဘာများတတ်နိုင်ဦးမှာလဲဗျာ..သားသမီး (၄) ယောက်
မှာ အဖေက ကျွန်တော့်ကိုအချစ်ဆုံးပါ..ဘာလို့လဲဆိုတော့ ကျွန်တော်က အဖေ့ရဲ့ဗီဇ..အဖေ့ရဲ့ပုံစံ..အဖေရဲ့စရိုက်
လက္ခဏာအားလုံးကျွန်တော့်မှာရှိလို့ပါ..(၁၀)တန်းအောင်လို့ အမေက စစ်တက္ကသိုလ်တက်ခိုင်းတော့ အဖေ မျက်နှာ
မကောင်းဘူး..သူမခွဲချင်ပေမယ့် ကျွန်တော့်ဘ၀တက်လမ်းအတွက် သူ့ခံစားချက်ကိုမျိုသိပ်ခဲ့တာပါ..ကျွန်တော်အိမ်
ကိုပြန်ရောက်တိုင်းအဖေက ကျွန်တော့်လက်ကိုအမြဲဆုပ်ကိုင်ထားတတ်ပါတယ်..အမှတ်တမဲ့ပေမယ့် ကျွန်တော်သတိ
ထားမိပါတယ်..အဖေ့လက်တွေ တစ်နှစ်ထက်တစ်နှစ် လျော့တွဲလာတယ်..ကျွန်တော် (၈) တန်းနှစ်မှာ အဖေ လေဖြတ်ခဲ့ပါတယ်..ညာဘက်ဖြစ်ပေမယ့် ဆေးကောင်းလို့ အဖေ အခြေအနေမဆိုးခဲ့ပါဘူး..ဒါပေမယ့်အဖေအရင်
ကလိုတက်တက်ကြွကြွမရှိတော့ပါဘူး..ခွင့်ပြန်တိုင်း အဖေကျွန်တော့်ကိုအရိပ်လိုကြည့်နေတတ်ပါတယ်..အရက်အရမ်းကြိုက်တဲ့အဖေ..ကျွန်တော်ရှိနေရင်မသောက်ပါဘူး.
ကျွန်တော် ဒီကိုလာခါနီး ပြင်ဦးလွင်မှာ အဖေ ကျွန်တော့်ကိုလာနှုတ်ဆက်ပါတယ်..ကျွန်တော်ကားပေါ်တက်တော့
မျက်ရည်ဝိုင်းပြီး ကြည့်နေတဲ့ အဖေ့မျက်ဝန်းတွေ ဒီတစ်သက် ကျွန်တော်ဘယ်မေ့နိုင်မလဲဗျာ...
အခုလိုသူနေမကောင်းဖြစ်နေချိန်မှာ ကျွန်တော့်ကိုသူဘယ်လောက်သတိရနေမယ်ဆိုတာ ကျွန်တော်သိပါတယ်..
ဒါပေမယ့်ဗျာ..ကျွန်တော်ဘာတတ်နိုင်မှာလဲ..ကျွန်တော့်မှာ အဖေ့အတွက်မျက်ရကျဖို့ပဲရှိတယ်..အဖေ နေကောင်း
ပါစေလို့ဆုတောင်းရုံကလွဲပြီးကျွန်တော့်မှာ ဘာနည်းလမ်းမှ မရှိပါဘူး..ဘယ်လောက်များ ကျေကွဲဖို့ကောင်းလိုက်
ပါသလဲ..ဒီစာလေးကိုမျက်ရည်တွေနဲ့ရေးဖွဲ့ရင်း ကျွန်တော့်ရဲ့ အဖေ နေအမြန်ကောင်းပါစေလို့ ရင်နဲ့ရင်းပြီး
ဆုတောင်းလိုက်ပါတယ်......

“ အဖေ့ “ ကိုဦးခိုက်ပူဇော်ပါသည်


Type rest of the post here

နာဂစ်...သို့

အို...နာဂစ်
ဘယ်လိုအပြစ်နဲ့များ
ငါတို့အချစ်
ရင်နစ်သည်းချာ
ဘ၀များစွာကို
နင်းချေဖျက်စီး
အမျက်ကြီးခဲ့ရတာလဲ....
အို...နာဂစ်
ငါတို့ပြည်ထောင်
အကျိုးဆောင်သည့်
“ဆန်အိုကြီး“ မည်
ဧရာဝတီလည်း
အသင့်ဖ၀ါးအောက်
ပြားပြားမှောက်ခဲ့
ငါတို့အသည်းတွေကြွေခဲ့ပြီ.....
အပြစ်ကင်းစွာ
ပျော်ကြရှာသည့်
လူမမည်သေး
ခလေးများစွာ
သနားစဖွယ်
သေကျေပျက်စီး
မျက်ရည်တွေချောင်းစီးခဲ့ပြီ.....
အို...နာဂစ်
ဒီကမ္ဘာ..ဒီလောက
ရှိနေသမျှကာလတစ်လျှောက်လုံး
ငါတို့မျက်ရည်
ယိုကျဖိတ်စီး
ထိုနေ့ကြီးကို
မုန်းတီးရွံရှာ
ကြောက်လန့်စွာနဲ့
မပျောက်မပျက်
ရစ်ပတ်မြင်ယောင်နေကြဦးမှာပါ…..


Type rest of the post here

ကျွန်တော်မသိခြင်းများ

ကောင်းကင်ကြီးကို
ဘယ်သူကအပြာရောင်သုတ်သွားခဲ့ပါသလဲ.......
ဘ၀ဆိုတာ
ကျွန်တော့်ရှေ့က အရက်ခွက်လောက်
အ၀မကျယ်ပါဘူး
ဒါပေမယ့်
အဲဒီဘ၀ကြီးကြောင့်
ကျွန်တော်ဘာဖြစ်လို့မူးနေရပါသလဲ.....
အပြုံးတစ်ခုရဲ့အသက်က
ရင်ဘတ်ထဲကလာပါတယ်
ဒါပေမယ့်
လူတွေကိုရင်ထဲကမပါပဲပြုံးတတ်အောင်
ဘယ်သူကများသင်ပေးခဲ့ပါသလဲ......
တစ်ဦးမေတ္တာတစ်ဦးမှာတဲ့
သက်ရောက်မှုတိုင်းမှာ
တန်ပြန်သက်ရောက်မှုရှိပါသတဲ့
ဒါဆို
ကျွန်တော်ရင်နင့်အောင်ချစ်ရတဲ့ကောင်မလေးက
ကျွန်တော့်ကိုဘာလို့ပြန်မချစ်ပါသလဲ....
ဒီစကားတွေမှားကုန်ပါပြီလား......
ကြယ်ကြွေတုန်းဆုတောင်းလို့
ဆန္ဒပြည့်တယ်ဆိုရင်တောင်
ကျွန်တော့်မှာကောင်းကင်မရှိဘူးဗျ
သူ...ပစ်ချလိုက်ပြီလေ.....


Type rest of the post here

အလွမ်းနှင့်လှေကလေး (သို့) အချစ်ပျောက်ရှာသူ

(၃)

အလွမ်းလေ....
မနက်ခင်းတိုင်း
သူရှိမယ်လမ်း
မျှော်မှန်းမိတယ်
ဟိုအရင်မနက်ခင်းတွေ
သူ့အဆင်းနဲ့ လင်းဘူးတယ်
ဟိုအရင်နှလုံးသားမှာ
သူ့အလှနဲ့ ပြာကြဘူးတယ်
ဟိုအရင်သူ့အကြည့်တွေ
စွဲလန်းယစ်မူး ရူးသွပ်ဘူးတယ်
သူတစ်ချက်အကြည့်
ရင်တစ်ချက်အခုန်
အိုး...ကမ္ဘာကြီးတုန်သွားပါသလား
နားထဲမှာချိုအေး
အသံလေးကြားလိုက်ရင်
ငှက်ကလေးတွေတေးဆို
စမ်းရေလိုအေးမြ
အရာအားလုံးဟာလှပလို့......
အခုတော့လည်း
နင်မရှိတဲ့ငါ့ဘ၀
ဘာမှကိုသုံးမရဘူး
နင်မရှိတဲ့မနက်ခင်း
ဘာနဲ့မှမလင်းဘူး
စမ်းရေလည်းခမ်း
ပန်းတွေလည်းနွမ်းလို့
တမ်းတစိတ်ဖြေ
လွမ်းသလောက်ပြေဖို့
(ငါလေ...)
ပန်းခြောက်လေးတွေစုထားမယ်.....


Type rest of the post here

အလွမ်းနှင့်လှေကလေး (သို့) အချစ်ပျောက်ရှာသူ

(၂)

အလွမ်းလေ......
အလွမ်းပြေအောင်
စမ်းရေကြောမှာ
ပန်းတွေမျှောမိတယ်
သူထားရက်ပေမယ့်
ကျွန်တော်ကမှမမေ့နိုင်တာလေ
ရင်ဘတ်ထဲက
မျှော်လင့်ရည်စူးထားတဲ့
စိတ်ကူးအိမ်မက်တွေ
သူ့အတွက်ရွေးသီထားတဲ့
စကားလုံးလေးတွေ
အခုတော့ နွမ်းကြွေခြောက်
လွမ်းဝေနောက်လို့
ငါ့ညတွေတောင်အကျည်းတန်နေရပြီ.......
ကောင်မလေးရေ.... ငါက
ပြုံးမပြတတ်ပေမယ့်
ဆုံးဘ၀ထိချစ်မယ့်သူပါ
နင်ထားရင်..နေ
နင်သတ်ရင်သေမှာပါ
အကြောင်းမလှလို့
မပေါင်းရရင်လည်း
နောက်ဘ၀ကိုမျှော်လင့်ဦးမယ်
ဘ၀အဆက်ဆက်
နောက်ဆုံးထွက်သက်အထိ
နှလုံးသားနဲ့ရင်းပြီး
နင့်ကိုချစ်နေဦးမယ်.....

Type rest of the post here

တမ်းခြင်း အလင်္ကာ

မွေးရပ်မြေအလှ
မမြင်ရတာကြာပြီ
ကျေးငှက်သာရကာ
တေးသံသာနဲ့
တောတောင်အလှ
မခံစားရတာကြာပြီ....
ဆည်းလည်းသံတစ်ညံညံနဲ့
စေတီပုထိုး
မရှစ်ခိုးရတာကြာပြီ.....
ရွာဦးကျောင်းက
တုံးမောင်းသံလည်း
မနက်ခင်းတိုင်းလွမ်းရတယ်....
ယာခင်းလေးဘေး
တိတ်တိတ်လေးနေတဲ့
အေးမြရိပ်ငြိမ်
အမေ့အိမ်လည်းလွမ်းတယ်
အမေ့အိမ်နောက်
မြေလမ်းဒေါင့်က
အေးမြကြည်လင်
ရေအိုးစင်လေးလည်းလွမ်းတယ်....
ငရုပ်သီးလှော်
ပဲသီးကြော်နဲ့
တို့စရာနွေးနွေး
ခေါင်းငုံ့လွေးရတဲ့
အမေ့လက်ရာ
မစားရတာကြာပြီ......
အမေ့အိမ်ဘေး
ငါမှေးစက်ရာ
ငြိမ်းညောင်းသာယာ
ကောက်ရိုးဖြာလည်းလွမ်းတယ်.....
ရေမြေခြားမှာ
ပညာရှာနေတဲ့ အမေ့သား
အားမာန်သစ်နဲ့
ရဲ့ဝံ့ချီမယ်...
ဟိုး....အနာဂါတ်ဆီ

Type rest of the post here

အလွမ်းနှင့်လှေကလေး (သို့) အချစ်ရှာသူ

(၁)

အလွမ်းလေ....
စမ်းရေကြောမှာ
ပန်းလေးတွေခေါ်
လွမ်းလှေကိုလှော်ခဲ့တယ်
ဘယ်ဆီမှာလဲ
မရေမရာနဲ့
ဝေဒနာကို
ရင်မှာအံခဲ
တစ်နေ့တွေ့မယ်
မျှော်လင့်ချက်နဲ့
တလည်ဝဲ၀ဲ
စမ်းရေထဲမှာ
ပန်းတွေမမွှေး
စမ်းရေလည်းမအေးဘူး..ချစ်သူ
ပန်းတွေနွမ်း
စမ်းရေခမ်းလည်း
ငါ...လှော်နေဦးမယ်
ချစ်ခြင်းကိုခွန်အားလုပ်
မျှော်လင့်လင့်ချက်ကိုလှော်တက်လုပ်လို့
မင်းရှိမယ့်နေရာ
လကမ္ဘာလည်း
ရောက်အောင်လာခဲ့မယ်
ငါ..မင်းကိုအရမ်းချစ်တယ်လေ
မကြင်နာဖယ်ခွာမုန်း
ရင်မှာတစ်သက်မမုန်းဘူး
ကမ္ဘာဆုံးတောင်
တွေ့အောင်ရှာမယ်.....


Type rest of the post here

ကမ္ဘာပြိုခြင်း

အဲဒီနေ့က
မိုးတွေရွာတယ်....
ငါလည်းမျက်ရည်တွေနဲ့ပေါ့
ကောင်းကင်ကမှောင်
လမင်းကမလင်း
ငါ့ကမ္ဘာကြီးမှောင်မည်းတိတ်ဆိတ်လို့......
မျှော်လင့်ချက်တွေ
ကျေကွဲပျက်ဆီး
လွမ်းခြင်းနဲ့လျှောက်
ဘယ်ကိုရောက်မလဲငါမသိတော့ဘူး
အိမ်မက်ဘူးတယ်
နင်ရယ်..ငါရယ်
အနာဂါတ်တွေရယ်
ချစ်ခြင်းတွေက
မျှော်လင့်ချက်တွေနဲ့တောက်ပလို့.......
စိတ်ကူးခဲ့သမျှ
ပျက်ဆီးခဲ့ပြီ
အကြင်နာတွေပျက်သုန်း
နင်...မုန်းခဲ့ပြီ
ငါနဲ့...ငါ့အိမ်မက်တွေကို
ရက်စက်စိမ်းကား
နင်ထားသွားပြီ......
ငါ့ဘ၀ထဲက
နင်ထွက်သွားပြီလို့တွေးမိတိုင်း
ဘယ်ဘက်ရင်အုံက
ဆစ်ခနဲနာကျင်တယ်.......

Type rest of the post here

ဆုတောင်းလေးတစ်ခု

ကောင်မလေးရေ....
မင်းနဲ့ငါ
အကြင်နာစစ်နဲ့
ရင်မှာချစ်ခဲ့ကြတယ်
အခြေအနေကွာခြား
မဆုံနိုင်အကြောင်းတရားတွေကို
မသိမသာမေ့လို့ပေါ့......
သံယောဇဉ်ကြိုး
ရစ်နှောင်တိုးလို့
ခိုင်မာဘ၀
တည်ဆောက်ကြမယ်လို့
စိတ်ကူးအိမ်မက်
မျှော်လင့်ချက်တွေနဲ့
မင်းရယ်..ငါရယ်
အနာဂါတ်တွေရယ်
တို့နှစ်ယောက်ညတွေက
လှပလို့ပေါ့.....
တစ်ကယ်လို့များ
အနေခြားခဲ့ရင်
မင်းရယ်..ငါရယ်
အတိတ်ကအကြောင်းလေးတွေရယ်ပေါ့
တစ်ဒင်္ဂမြင်ခဲ့ရတာမဟုတ်သလို
ခဏတာအပျော်ရှာခဲ့တာမဟုတ်ပါဘူး
တစ်ဘ၀ပေါင်းရဖို့
ရည်ရွယ်ဆုတောင်း
နှလုံးသားချင်းပေါင်းရစေ......


Type rest of the post here

မျှော်လင့်ချက်လေး

မရေမရာနဲ့
တစ်ခါပြောဘူးတယ်
´ချစ်ပါတယ် ´....တဲ့
ဝေေ၀၀ါးဝါးမို့
သေချာပြီလားလို့မေးတော့
သူစိတ်ကောက်တယ်
ချော့မလောက်တဲ့မာနတွေ
ယောက်ျားတစ်ယောက်ရဲ့မာန
မင်းရှေ့မှာအသာချ
မျက်ရည်တွေလမ်းခင်းပြတော့လည်း
ကျောက်ရုပ်လိုအသည်းနဲ့
ခံစားမှုကင်းစွာ
မင်းငါ့ကိုကျောခိုင်းသွားတယ်
ကောင်မလေးရေ.......
ငါ့ကိုငါထက်
မင်းကိုပိုချစ်ပါတယ်
ငါချစ်တာရဲ့နည်းနည်းလေးပဲပြန်ချစ်ပါ
ငါ....ရှင်သန်မှုက
ပြည့်စုံခမ်းနားစွာ
သင်းပျံ့မွှေးကြိုင်စွာ
လန်းဆန်းတက်ကြွစွာ........

Type rest of the post here

ပျောက်ဆုံးခြင်း

ကောင်မလေးရေ.......
အညတရနှလုံးသားနဲ့
အိမ်မက်တွေပြာချ
ဘ၀နဲ့မျှောချဘူးတယ်
မနက်ခင်းက လင်းမယ့်လင်းတော့လည်း
လေညှင်းလေးတောင်တိုက်လိုက်သေး
ဒီလိုနဲ့ပဲ...
ကြယ်စင်တွေကောက်
အိမ်မက်နဲ့ဖောက်သီ
ငါ..လွမ်းဖို့လေ့ကျင့်နေခဲ့တယ်
ညတွေကလည်းမှောင်မိုက်ဆဲ
လမ်းတွေကေ၀၀ါးဆဲ
ပန်းကလေးတွေအဖော်မဲ့
ရွက်ကြွေတောကငှက်ငယ်
တစ်ကိုယ်တည်း
ကျေကွဲအထီးကျန်
မျှော်ငေးလွမ်းဆွတ်စွာ......

Type rest of the post here

ပန်းကြွေသမိုင်း

ပန်းကြွေသမိုင်း
အလွမ်းရိုင်းခဲ့
မပြည်မေတ္တာ
အကြင်နာနဲ့
သစ္စာမပျက်
ထားခဲ့ရက်သည်
မုန်းရက်လေသော....
အို...ချစ်သူ
ဖြေမပြည်လွမ်း
ရင်ဝယ်နွမ်း၍
အိပ်၍မပျော်
တမျှော်မျှော်နဲ့
မျက်ရည်တစ်စ
ရင်၌ကျသည်
မင်းမြင်ရဲ့လား
အို.....ချစ်သူ
တစ်သက်မှာတစ်ခါ
သာတဲ့လမင်း
ငါ့ညတွေကိုလင်းစေသူ
ခုတော့ဘယ်ရှောင်ပုန်း
ကောင်းကင်မှရှာ
ရင်ခွင်ကိုခွင်း
သူ...ရက်စက်ခဲ့တယ်
မြှားတစ်စင်းနဲ့
အကြွေပန်းရဲ့အလွမ်းသမိုင်း
နွမ်းနင့်နင့်ရိုင်းခဲ့ပြီ.........

Type rest of the post here

လွမ်းဝေ

အချစ် က ပန်းသီးတစ်လုံးဆိုရင်
ငါက...တစ်ကိုက်လောက်စားမိပြီး
အဆိပ်သင့်ခဲ့တဲ့ငှက်တစ်ကောင်ပေါ့......
တစ်ကယ်ပါ........
ကြယ်စင်တွေကိုယ်ထင်ပြ
လမင်းကြီးပြုံးပြတဲ့ညပေါ့
အိမ်မက်ခြောက်နဲ့
ပန်းကောက်ခဲ့တယ်
အလွမ်းမပြေ
ရင်ခွင်ကြောမှာ
ပန်းတွေဝေ
စမ်းတွေခမ်း
ရွက်ကြွေလမ်းမှာ
အနမ်းတွေ
မှန်းခြွေလွမ်း
သူသိရင်
ကျေနပ်မယ်လို့
တမ်းတဆုခြွေ
အလွမ်းပြေဖို့
တစ်ခါတစ်ခေါက်
စိတ်တွေရောက်ရင်
မှန်းဝေတမ်းတ
မောင့်ဘ၀ဆီ
ခိုဝင်တမ်းတ
သတိရပါလေ............

Type rest of the post here

ကမ္ဘာသစ်

(မင်းအတွက်)
အကြင်နာကို
အလင်္ကာ ကဗျာနဲ့
အဆင်တန်ဆာပြုတော့
ကမ္ဘာမှာပြိုင်စံရှား
အလှတရားတစ်ပါးလို
ပန်းလေးတွေ...ငို
စမ်းရေတွေ...ချို
အရာရာကိုပိုင်စိုး
ဘယ်လိုဘ၀မျိုးမှာဖြစ်ဖြစ်
မင်းကိုချစ်နေမှာပါ.........
ဒါ....သစ္စာတရား
အရမ်းထက်တဲ့ ဓါးလို
အန္တရာယ်မှန်သမျှ
ကျော်လွှားပြမယ်
လာပါ.....ချစ်သူ
ငြိမ်းချမ်းတဲ့ နေရာတစ်ခု
ရောက်အောင်သွားကြမယ်
ငါ့ ရင်ခွင်နဲ့
မင်း...ငြိမ်းချမ်းလှည့်ပါ
ငါဘာမှမသိဘူး
မင်းကိုပဲချစ်တယ်............

Type rest of the post here

ချစ်သူဆီ

အကြင်နာ
ဖယ်ကာလှစ်
အပြစ်ရှာ အမုန်းများနဲ့
ပစ်ခွာထားရစ်သူ
ရင်ထဲမှာ မှောင်မိုက်ကျွမ်း
လွမ်းခဲ့ရပြီပေါ့..........
ဝေဒနာကို
ဖြေစရာမတွေ့ဘူး
သေရာပါတော့မှာလားလေ
ဖော်ဝေးငှက်ငယ်
တစ်ကိုယ်တည်း
ကျေကွဲအထီးကျန်
မျှော်ငေးလွမ်းဆွတ်စွာ
ချစ်သူ...မင်း
ပြန်ရောက်မယ့်လမ်း
မှန်းမျှော်တမ်းတ
သတိရရင်
အကြင်နာလမ်းဆီ
ပြန်လာခဲ့နော်...........

Type rest of the post here

ဆုံးဖြတ်ခြင်း

ကောင်လေးတစ်ယောက်နဲ့
ကောင်မလေးတစ်ယောက်
မျက်နှာချင်းဆိုင် ရပ်နေကြတယ်....
အလယ်မှာ.........
စည်းတစ်ခုခြားလို့ပေါ့
သူတို့နှစ်ဦးက
တစ်ဦးကိုတစ်ဦး
ရူးမူးစွာချစ်ကြိုက်ကြတယ်
သူတို့နှစ်ဦး
ပေါင်းစည်းဖို့ရာ
တစ်ဦးကတစ်ဖက်
ပေါင်းစပ်ဖို့လိုတယ်
ဒါပေမယ့်..........
ကူးဖြတ်တဲ့သူက
ပေးဆပ်ရမယ်
ရင်းနှီးထားသမျှ
အချိန်..နေရာ
အရာအားလုံး
စိတ်ကူးထားသမျှ
ဘာမှမကျန်အောင်
ဆုံးရှုံးကွဲကျေ
ရင်နင့်လေမယ်
ကဲ........
ဘယ်သူက ကူးလို့
ဘယ်သူက စောင့်မလဲ
အချစ် ဆိုတာ
ပေါ်လာပါပြီ
စွန့်လွှတ်ခြင်းလား
ရယူခြင်းလား
အနာဂါတ်က
ေ၀၀ါးဆဲ..........


Type rest of the post here

မနက်ခင်းတစ်ခုရဲ့..တမ်းချင်း

တစ်ခါတုန်းက
ဖဲကြိုးလေးတစ်ချောင်းရှိခဲ့ဘူးတယ်
မျှော်လင့်ခြင်းများစွာ
စိတ်ကူးအိမ်မက်တွေများစွာနဲ့
တို့နှစ်လုံးသားတွေကိုရစ်ပတ်ခဲ့ကြတယ်
အချိန်တွေကြာလာတော့
နင်ကငါ့ကိုထားခဲ့ချင်တယ်
ပျံသွားပါ..ငှက်ကလေး
အဝေးမှာ နင်ပျော်ပါစေ
ဆုတောင်းရင်နဲ့...(ရင်ထဲမှာ )
ကျေကွဲ...ဟန်ဆောင်ပြုံးရင်း
လမ်းခွဲညနေလေးတစ်ခု
ငါ့....ကမ္ဘ္ဘ္ဘ္ဘာပြိုကျပျက်ဆီး
မှောင်အတိ ငါ့ကမ္ဘာ
ဘာကိုမှီတွယ်ရမလဲ
ထောင်းခနဲပြတ်သွားတဲ့ ဂစ်တာကြိုးတစ်ချောင်းလို
ခွမ်းခနဲကျကွဲသွားတဲ့ ပန်းအိုးတစ်လုံးလို
ငါတို့တွေ..မှားယွင်းစွာ
ဝေးလွင့်ခဲ့ကြပြီ
ဒါပေမယ့်...ကောင်မလေးရေ
ငါ့မနက်ခင်းတွေက
သူတို့ သခင်မကိုမျှော်လင့်နေကြဆဲပါ
နင်.....ပြန်..လာ..ခဲ့..နော်.........


Type rest of the post here

ထာဝရမှီတွယ်ရာ

ကောင်မလေးရေ.....
နင်ခြေစုံကန်ပြန်ထွက်သွားတဲ့ ငါ့ရင်ခွင်ဟာ
နင်မက်မောတဲ့ကောင်းကင်ပြာပြာလောက်
မကျယ်ပြောတာအမှန်ပါ
ဒါပေမယ့်....
အဲဒီကောင်းကင်ထက်မြင့်မားနက်ရှိုင်းစွာ
နင့်ကို ငါ..ချစ်ခဲ့တာပါဟာ
နင်မသိခဲ့ပါဘူး
တစ်ကယ်တော့ ငါက......
သစ်ခြောက်ကိုင်းလေးတစ်ခုပါ
နင်..ခဏတာဝင်ရောက်နားခိုဖို့
ဖြစ်တည်ပေးခဲ့သူပါ
နောက်ထက်......နှစ်ပေါင်းများစွာ
နွေ..မိုး..ဆောင်းတွေပြောင်းလည်း
နင်...ခိုဝင်လည့်ပါ
ငါ့ရင်တံခါး အမြဲဖွင့်ထားတယ်
နင့်အတွက်..ငါက
ပြောင်းလည်းခြင်းမရှိတဲ့
ထာဝရမှီတွယ်ရာလေ........


Type rest of the post here

ဘ၀လမ်းမှာကျပျောက်ခဲ့ရသောအရာလေးများ

ငယ်ငယ်အခါ အဖေ အမေ ဆွေမျိုးမိတ်သဟာတွေက သားကြီးလာလို့ဘာလုပ်မလဲမေးရင် စစ်သားကြီးလုပ်မယ်လို့ဖြေခဲ့ပါတယ် တစ်ခြားအရာတွေကို ပါးစပ်ကတောင်မဟခဲ့ပါဘူး (၁၀) တန်းအောင်တော့လည်း တစ်ခါတည်း အကြွင်းမဲ့ရည်ရွယ်ချက်နဲ့ စစ်တက္ကသိုလ် ဗိုလ်လောင်းအဖြစ်လျှောက်ထားခဲ့ပါတယ် ငါ...စစ်ဗိုလ်တစ်ယောက်ဖြစ်ကိုဖြစ်ရမယ်ပေါ့.......
အခက်အခဲပေါင်းများစွာ..ပင်ပန်းဆင်းရဲမှုများစွာနဲ့ (၃) နှစ်ဆိုတဲ့အချိန်ကိုဖြတ်ကျော်ခဲ့ပါတယ် ကျွန်တော်တို့ စစ်တက္ကသိုလ်ကျောင်းဆင်းတွေ အဓိကဆုံးရှုံးတာကတော့ လူငယ်လွပ်လပ်ခွင့်ပေါ့ဗျာ ဘယ်လောက်မြတ်နိုးဖို့ကောင်းတဲ့ အမှတ်ရနေစရာကောင်းတဲ့ လွပ်လပ်မှုလေးလဲ ကျွန်တော်တို့အဲဒါကို ဆုံးရှုံးခဲ့ရပါတယ် ဗိုလ်လောင်ဘ၀ ခွင့်ပြန်ရင် ကျွန်တော် (၃) နာရီကျော်သွားရတဲ့ ပုသိမ် တက္ကသိုလ် ကိုနှစ်တိုင်းရောက်ပါတယ် တက္ကသိုလ်ကျောင်းသားတွေရဲ့ လွပ်လပ်မှုကိုသဘောကျမိတယ် ကျွန်တော်လည်း ကျောင်းသားလိုလို ဘာလိုလိုနဲ့ကျောင်းထဲမှာလျှောက်သွားပါတယ်အဲဒီအရသာကိုကျွန်တော်ဘယ်တော့မှမေ့မှာမဟုတ်ပါဘူး လူငယ်ဘ၀လွပ်လပ်မှုကိုအပြည့်အ၀ပေးနိုင်စွမ်းပါတယ် ကျွန်တော် တစ်နှစ်လုံးပင်ပန်းဆင်းရဲ
သမျှ အဲဒီတစ်ရက်နှစ်ရက်နဲ့ပြေပျောက်သွားတတ်ပါတယ် ......
တစ်ခါတစ်လေကျတော့လည်းတက္ကသိုလ်ကျောင်းသားတစ်ယောက်အရမ်းဖြစ်ချင်မိတယ် ဒါပေမယ့် ရည်ရွယ်ချက်ဆိုတာက
ရှိပြီးသားလေ ပြီးတော့မိဘရဲ့နွေးထွေးတဲ့ မေတ္တာတရား သူငယ်ချင်းများရဲ့ဖြူစင်တဲ့ခင်မင်မှုလေးတွေ ထမင်းဝိုင်းကမထချင်အောင်ကောင်း
တဲ့အမေ့ရဲ့ဟင်းလက်ရာ တီတီတာတာပြောတတ်တဲ့ ညီမအငယ်ဆုံးလေးရဲ့ချစ်စရာအသံလေး ပျော်စရာ ဂုဏ်ပကာသနကင်းတဲ့ မိသားစု
ထမင်းဝိုင်းလေး ကျွန်တော်တို့ဆုံးရှုံးခဲ့တာတွေအများကြီးပါ ဒါပေမယ့် ကျွန်တော်တို့ဘ၀လမ်းမှန်ခဲ့ပါတယ်.......
လူပဲဗျာ တစ်ခါတစ်လေကြတော့လည်း ပျော်ရာမှာနေချင်တာပေါ့ ဘယ်လောက်များဝမ်းနည်းဖို့ကောင်းလိုက်သလဲ ကိုယ့်ဇာတိ
ချက်ချွေမွေးရပ်မြေကို အလည်ပြန်နေရတဲ့ဘ၀ပါ ကိုယ့်မိသားစုမှာ ကိုယ်ကဧည့်သည်ဖြစ်နေပါတယ် ဒါတွေကမသေမချင်းဖြစ်နေမယ့်
အကြောင်းလေးတွေပါ သန်းခေါင်စာရင်းမှာပါတာကလွဲလို့ ဧည့်သည်ပါပဲ ငယ်ငယ်တုန်းကဘ၀လေးကိုပြန်လိုချင်တယ်ဗျာ ကျွန်တော်တို့
ပျောက်ဆုံးခဲ့တာတွေဘယ်အချိန်မှပြန်ရနိုင်မလဲဗျာ မျှော်လင့်နေမိဆဲပါ တစ်ချိန်တော့ကျွန်တော် မိသားစုဝင်ပြန်ဖြစ်ဖို့ပေါ့........

( ညီနောင်များအားလုံးအတွက်ရည်ရွယ်ပါသည် )


Type rest of the post here

အသည်းကွဲမှတ်တမ်း

ကျွန်တော့်အသည်း
ဘယ်နှစ်ခါကွဲဦးမလဲ
သန်းခေါင်ထက်တော့
ညမနက်တော့ပါဘူး
မှောင်နေလည်း
ငါနေတတ်ပါပြီ
မဖြစ်အသည်း
ရင်နင့်ကွဲကျေ
နင့်နင့်ရှိုက်ငို
အသည်းကိုလည်း
မပြုမပြင်
သည်းသက်ဝင်သို့
ရှုံးနိမ့်ဝေရီ
ငါ......အရှုံးပေးခဲ့ပါပြီ
ကျန်နေရစ်စေ
ထားခဲ့လေတော့
နှောင်တွယ်အချစ်
မျက်ရည်မြစ်ကလေးဖြစ်ခဲ့ပြီ............

Type rest of the post here

သခင်

အသက်တစ်မျှ
ချစ်ခဲ့ရလည်း
ဝေေ၀၀ါးဝါး
ပြစ်ခွာထားခဲ့
နှောင်ကြိုးရစ်ပတ်
ရက်စက်ခဲ့သည်
နာကျင်အသည်း
ရှောင်လွှဲမရ
ကံတရားက
ရက်စက်လှသည်
မှိုင်းညို့ညို့ရီဝေ
မျက်ဝန်းအိမ်၌
ယိုစီးဖိတ်ကျ
မြစ်နှစ်သွယ်လည်း
နောင်တမပါ
ရင်ခွင်လယ်၌
အို......သခင်
မြင်လှည့်ပါ
ငါ့...မျက်ရည်
ငါ့..အသည်း
ငါ..ကျေကွဲသမျှ
မင်းပျော်စေရမယ်
စိတ်ချ.......
ငါ....ချစ်နေဦးမယ်

Type rest of the post here

ကိုယ်ပိုင်အလွမ်း

ဘ၀အတွက်
အားမာန်စွက်လို့
တစ်နယ်ကျေးမှာပညာရှာ
လွမ်းရသည့်အရာများ
များလှပေတာ
သူငယ်ချင်းအပေါင်းသင်း
ရောင်းရင်းနဲ့ဆွေသဟာ
စားစရာကရှမ်းခေါက်ဆွဲ
မေ့နိုင်ဘူးဗျာ
အမည်သညာရေမတွက်နိုင်တဲ့
လမ်းဘေးကစားစရာ
မျှော်ကြည့်စရာ
ပင်လယ်ပြာကြီး
မမေ့နိုင်စရာ
အမေ့လက်ရာနဲ့
ထမင်းစားရတဲ့ အချိန်တွေ
ဪ...လွမ်းစရာထောင်သောင်း
ရက်တွေညောင်းလည်း
မပြောင်းရင်မှာ
အစဉ်တမ်းတ
မှန်းဆမျှော်ရည်
အတိတ်ဆီသို့
တစ်ခါတစ်ခေါက်
ပြန်ရောက်ချင်သည်
အလွမ်းရက်တို့ကုန်စေလို.........

Type rest of the post here

ပိတောက်မလေး...

တစ်နွေတစ်ခေါက်
ပိတောက်တို့ပွင့်ရင်
ရေတွေကြားက သူ့ရုပ်လွှာ
ခိုးကြည့်ဖူးတာသတိရတယ်
ဪ...ဧပရယ်
နွေသင်္ကြန်ပိတောက်
မွှေနှောက်ဗျာပါ
(တွေးရင်း..ရေးရင်း)
လွမ်းလာလို့
ဒီတစ်ခေါက်မပျော်
မျှော်လည်းမလွယ်
ရွယ်လည်းမဖြစ်
ချစ်သူနဲ့ဝေး
ဆွေးရတဲ့ဘ၀
ညတွေအိပ်မရ
(သူရောက်လာမလား)
ထထကြည့်လည်း
ဒီတစ်ရက်နဲ့ဆို
(၆)..နှစ်ကျော်ပြီပေါ့........

Type rest of the post here

အလွမ်းမုဆိုး

အကြင်နာ....
တွယ်တာနှောင်ရစ်
အချစ်...တဲ့
ဒါကို...အပြစ်ဆို
မလိုသူကြား
မောင့်နှလုံးသားလေး
ဝေး၀ါးနင့်ကျွမ်း
မလွမ်းပါရစေနဲ့လား....သခင်
တောမကျွမ်းမုဆိုးတောတိုးရင်
ဘေးဆိုးရင်ဆိုင်ရသတဲ့
အချစ်မကျွမ်းနှလုံးရိုင်း
မြစ်တစ်စင်းလွှမ်းတဲ့အပြုံးလှိုင်းမှာ
ချစ်ခြင်းပန်းခင်းသောလမ်းဆိုပြီး
ကဆုန်ပေါက်ဒုန်းဆိုင်းမိတော့
အလွမ်းတို့ရာဇ၀င်မှာ
စာတင်ရပြီပေါ့လေ.......

Type rest of the post here

အသင်္ချေ....ည

တစ်ခါတစ်လေများ
ငါ...ကြားမိတယ်
လေတိုးသံလား
ကြယ်တွေငိုသံလား
လမင်းအလင်းကတော့
အေးမြ....လို့
သူ့...ကဗျာနဲ့
သူ့စာ....ငါ
ဖတ်ဖို့ကြိုးစားရင်း
လောကကြီး အမှောင်ကျ
ဒါ....ဘ၀....တဲ့
သူ....ပြောတယ်
နောက်တော့.....
မှောင်မိုက်ခြင်းများနဲ့
ငါ....တစ်ခါပြန်
နိုးထလာခဲ့ရ.....

Type rest of the post here

( Love ) အချစ် ဟူသည်........

L = Lake of sorrow ( ၀မ်းနည်းပူဆွေး ရေအိုင် )
O = ocean of tears ( မျက်ရည်သမုဒ္မရာ)
V = Valley of death ( မရဏတောင်ကြား )
E = End of live ( ဘ၀နိဂုံး ) ......ပါတဲ့

Type rest of the post here

အမြဲတမ်း...မင်း

ဝေးလံခေါင်သီတဲ့
လူသူဝေးတဲ့ တောထဲက
တောင်မြင့်မြင့်တစ်ခုပေါ်
ငါ...ရောက်နေခဲ့တယ်
ဘယ်နေရာကြည့်ကြည့်
တောရယ်..တောင်ရယ်
ပြီးတော့......
ငါတို့ကိုသတ်မယ့် ရန်သူတွေရယ်
အန္တရယ်အထပ်ထပ်
ရိက္ခာပြတ်နေတဲ့ကြားကလည်း
မင်းကိုသတိရတာပဲ
မျက်လုံးမှိတ်ရင်
မင်းကိုမြင်လို့
နားမစွင့်လည်း
မင်းအသံကြားတယ်
ည...သန်းခေါင်ကျော်
တောရိုင်းကောင်တွေ အသံနဲ့
ခပ်ဝေးဝေးဆီက
မိုင်းကွဲသံကြားလိုက်တော့လည်း
မင်းကိုလွမ်းတာပဲ

၁၆.၃.၂၀၀၆
တခေါ်ဘီခွီး ရှေ့တန်းခြေကုပ်
ကရင်ပြည်နယ်

အချစ် = မှောင်မိုက်ခြင်း

သူ့အတွက်
ဖြူစင်စွာ ကျဆုံးရင်း
ပန်းတွေမမွှေးတဲ့
အိမ်မက်ကြမ်းကြမ်းတွေ
ကြယ်ကြွေညနဲ့အတူ
ပျောက်ဆုံးခဲ့ပြီ.....
မပြီးသေးတဲ့ အိမ်မက်
မနိုးသေးတဲ့ အာရုဏ်ဦး
မလင်းသေးတဲ့ ငါ့ညတွေ
လမင်းပျောက်ရှာရင်း
အမှောင်ထဲမှာ နေသားကျခဲ့ပြီ
တစ်ကယ်တော့....“ အချစ် “ ဆိုတာ
ငါ့ အတွက်တော့
လမင်းမသာတဲ့ ကောင်းကင်တစ်ခုပါ.........

ရင်ထဲက...နွေ

ရာသီတွေ ပြောင်း
ရက်တွေဟောင်းလို့
လောကရာသီစက်ဝန်းမှာ
နွေ..ဆိုတာ ရောက်ခဲ့ပြန်ပြီ
မမေ့နိုင်တဲ့ ဧပရယ်
မမြင်နိုင်တဲ့ မင်းရုပ်လွှာကို
အိမ်မက်ထဲမှာပဲ ရှာနေရတယ်
မင်းမရှိတဲ့ နေရာမှာ
ပိတောက်တွေ မမွှေးဘူး
သတိရတယ် ချစ်သူရယ်
မင်း..သိနိုင်ပါ့မလား
ပိတောက်တွေဝေတဲ့
ရေတွေကြားမှာ
မင်း...ပျော်နေမှာပါ
တစ်ဖက်သက်အလွမ်းနဲ့
ငါကတော့.....ရင်နင့်ကြေကွဲ....လို့
နွေရဲ့ ဥဩလေးတွေရဲ့
ချစ်သူသိအောင် ပြောပေးကြပါနော်
ငါ....လွမ်းနေတယ်.....လို့

ဟိုး........အတိတ်ဆီ

နွေရနဲ့က ဥဩငှက်ရဲ့တွန်သံနဲ့အတူ ပြတင်းပေါက်ကို လာရိုက်ခတ်တယ်....ဪ...ပိတောက်တွေပွင့်တော့မယ်...ပိတောက်ကိုသိပ်ချစ်တဲ့ သူတစ်ယောက် ဘယ်ကိုများရောက်နေပြီလဲ...ငါကတော့ နင်ဘယ်တော့မှပြန်မလာနိုင်တော့တဲ့ နေရာလေးမှာ ...နင်သိပ်ကြိုက်တဲ့ ပိတောက်ပန်းတွေနဲ့အတူ...မျှော်လင့်နေဆဲပါ.....နွေရောက်လို့ ပိတောက်ပွင့်ပြီဆို အိမ်ရှေ့က ပိတောက်ပင်အောက် ခုံတန်းလေးမှာ နင်ရယ် ငါရယ် ပြီးတော့...နင်သိပ်ချစ်တဲ့ ပိတောက်ပန်းလေးတွေရယ်...အဲဒီတုန်းက ငါ သိပ်ပျော်ခဲ့တာပေါ့ ...ကံတရားကို ငါ ကြိုမြင်လို့မရခဲ့ဘူးလေ...နင်သိရဲ့လား...အခုဆို အိမ်ရှေ့က ပိတောက်တွေ ၀ါထိန်အောင်ပွင့်နေကြတော့မှာဟ...သူတို့တွေ သခင်မဲ့နေတာ ( ၆ ) နှစ်ကျော်ပြီပေါ့...ပိတောက်တွေ ငိုနေကြပြီ
နွေရောက်လို့ ပိတောက်ပွင့်တိုင်း အိမ်ရှေ့ကထိုင်ခုံလေးမှာ ငါ...နင်ချစ်တဲ့ပိတောက်တွေနဲ့...ငါ ချစ်တဲ့နင့်ကို စောင့်မျှော်နေဆဲပါ...ပိတောက်
တွေနဲ့ ငါ့မျက်ရည်တွေ နင်မြင်နိုင်ရင် ပြန်လာခဲ့ပါနော်...ပိတောက်တွေနဲ့ ငါ စောင့်နေမယ်.......

ဘ၀မှတ်တိုင်

ဒီ Blog လေးက ကျွန်တော်ရဲ့ခံစားမှုစိတ်အစဉ်ကို ဖွင့်ဟထုတ်ဖော်ရာ နူးညံ့ညင်သာတဲ့ ဒေသလေးတစ်ခုပါ...ကျွန်တော် ဘ၀ ရဲ့ မှတ်တိုင်လေးတစ်ခုဆိုလည်း မှားမယ်မထင်ပါဘူး....နောင်နှစ်ပေါင်းများစွာ ကျွန်တော် ဒီလောကကြီးမှာ မရှိနိုင်တော့တဲ့အချိန်ထိ ဒီ Blog လေးက ကျွန်တော့် နှလုံးသားနဲ့အတူ တည်ရှိနေဦးမှာပါ...ဒီ Blog လေးမှာ ကျွန်တော့်ရဲ့ မျှော်လင့်ချက်တွေ အိမ်မက်တွေ ထည့်သွင်းထားပါတယ်...အိမ်မက်တွေကို ကာရန်တွေနဲ့ပေါင်းစည်း မျှော်လင့်ချက်တွေ ခင်းကျင်းတဲ့ ဒီ နေရာလေးဟာ...“ ကဗျာပန်းခင်းလေး “ ....ပေါ့ဗျာ.................ကျွန်တော် စိုက်ပျိုးထားတဲ့ ပန်းလေးတွေရဲ့ ရနံ့ နဲ့ အလွမ်းမီးတွေ ငြိမ်းကြပါစေ..........လို့

အလွမ်းအကြောင်း

လောကကြီးမှာ......ကြေကွဲစရာအကြောင်းတွေ အများကြီးရှိပါတယ်...ကိုယ်ပေးသလောက် သူ့ဆီက ပြန်မရတဲ့အခါ...ကိုယ်ချစ်သလောက် သူ ပြန်မချစ်တဲ့အခါ...ကိုယ်က မျှော်လင့်တကြီး စောင့်စားနေပေမယ့် ..သူ ရောက်မလာတဲ့အခါ....အဆိုးဆုံးကတော့ ကိုယ်လွမ်းနေတာကို
သူ...အသိအမှတ်မပြုတဲ့ အခါ......

ဝမ်းနည်မှုနဲ့
မျက်ရည်စို
အလွမ်းဆိုတာ
ချို လို့များ ငါက လွမ်းနေတာလား
အမှန်အတိုင်းပြောရရင်
ဘယ်လွမ်းချင်ပါ့မလည်းလေ..........
ဒါပေမယ့်
ကံတရားက
ရှောင်သွားလို့မှ မရပဲ
အလွမ်းကဗျာ
လွမ်းသံသာနဲ့
လွမ်းမိုးဆွေရာ
လွမ်းနေရာမို့
အလွမ်းပန်းလေး......လန်းနေတယ်

ပန်းကြွေသမိုင်း

ပန်းကလေးတစ်ပွင့်
လန်းစွင့်တဲ့ အချိန်
သူသူငါလူယက်
လိုချင်တပ်မက်ကြတယ်......
သူတို့တွေ ပန်တော်ကျ
နွမ်းလျလို့သွားတော့
ပန်းကလေး လေ..........
မြေမှာသက်ဆင်း
အများရဲ့စွန့်ပယ်ခြင်းမှာ
ကြွေလွင့်နွမ်းရပြီပေါ........

ဘုံဆိုင်လေး....သို့

နေညိုညို
လေပြိုတဲ့အခါ
ဖော်တစ်သင်း
ပျော်ခင်းကိုဖန်
သီချင်းမြူးနဲ့
မူးရူးပြီးပြန်
အချိန်မှန်အချက်ပေး
လေချိုအေးနဲ့
ညနေညိုတေး
ဆိုချင်သေးတယ်

ဘုံဆိုင်လေးရေ......
ဘယ်နိုင်ငံမှာ
ဘယ်လိုသောက်သောက်
မင်းရဲ့ ကော်ပန်းကန်ထဲက
ပဲကြီးလှော်လေးတွေကို
ငါ အမြဲ....လွမ်းဆွတ်နေဆဲပါ.......

လမ်းကလေးမှာ

ခရစ်စမတ်ည
အေးမြတဲ့ ဒီဇင်ဘာ
မျှော်ငေးတသသ
ဖော်ဝေးရတဲ့ ဘ၀မှာ
သူများလာလေမလား
လာနေကြလမ်းလေး
မျှော်ငေးကြည့်ပြန်တော့
အဖြူရောင်နှင်းများကြားမှာ
လမ်းကလေးကလည်း
အဖော်မဲ့.....လို့

ဖြူစင်ပန်းလေး

သံသရာတစ်ကွေ့မှာ
ဆုံတွေ့ကြတယ်
သူငယ်ချင်းရေ......
အဖြူရောင်ပန်းလေးတွေမြင်တိုင်း
နင့်ကိုသတိရတယ်
ပန်းလေးတွေ
နွမ်းသွားပေမယ့်
ငါ့ရင်ထဲမှာ
( ထာဝရ )
လန်းစွင့်နေမှာပါ.....
သံယောဇဉ်ကြိုးတွေ
ရစ်နှေင်တိုးလို့
( ငါတို့တွေ )......
မမုန်းကြေးနော်

( အဖြူရောင် သံယောဇဉ်နဲ့ ခင်တွယ်ရသူ....)

ပန်ကြားချက်

ကျွန်တော်ရဲ့ စာမျက်နှာလေးကို အလွမ်းတွေနဲ့ ပြည့်နေတယ်လို့ ပြောချင်ပြောကြပါလိမ့်မယ်....
လက်ခံပါတယ်.........ဘာဖြစ်လို့လည်းဆိုတော့...ကျွန်တော်က အလွမ်းနဲ့ပျော်နေတဲ့သူမို့ပါ......
ဟိုး....ကောင်းကင်က ကြယ်စင်လေးတွေလိုပေါ့.....သူတို့တွေ လူမသိ သူမသိ ကြွေနေကြသလို..
ကျွန်တော်ကလည်း ဆိုင်သူမသိပဲလွမ်းနေရသူလေ...တစ်ခါတစ်လေကြတော့လည်း မလွမ်းချင်တော့ဘူးဗျာ
အိမ်မက်ခြောက်နဲ့ပဲ ပန်းကောက်ချင်တော့တယ်...ဟုတ်တယ်လေ...ကျွန်တော့် ည တွေက လမင်းမှမသာခဲ့ပဲဗျ.....

ညီနောင်များ......သို့

မြူနှင်းဖြူအောက်
ငါတို့ရောက်ခဲ့
ပညာသင်ကြား
အမိသားတို့
ကြိုးစားကျက်မှက်
တိုင်းပြည်အတွက်
ကိုယ်ရေးကိုဖယ်
အားလုံးကိုပယ်လို့
တိုင်းကျိုးပြည်ကျိုး
ဆတိုးနိုင်ဖို့
ကြိုးစားကြစို့
ဒို့.....ညီနောင်တို့.............

အကြွေပန်း

ရင်ခွင်ပန်းခင်းမှာ
အကြင်နာပန်းတစ်စင်း
နေခြည်သန်းလို့
လန်းဆန်းနေတယ်......
ပန်လိုရင်ကေသာဦးမှာ
မောင်ခူးလို့ပန်ပေးမယ်
ခြွေလိုရင်ညွတ်တွား
သခင့်..ခြေဖ၀ါးအောက်
ကြွေရောက်လို့ပေးပါ့မယ်.........

ကြယ်ကြွေည..အလွမ်းကဗျာ

အကြင်နာ
ဖယ်ကာလှစ်
အပြစ်ရှာ
အမုန်းများနဲ့
ပြစ်ခွာထားရစ်သူ......
ရင်ထဲမှာ
မှောင်မိုက်ကျွမ်း
လွမ်းခဲ့ရပြီပေါ့......
ဝေဒနာကို
ဖြေစရာမတွေ့ဘူး
သေရာပါတော့မှာလားလေ.......

သခင်

ချစ်သူ..မင်းက
ညမှာလင်းတဲ့
လမင်းဖြစ်ခဲ့ရင်
ချစ်သူအနား
မြဲခစားဖို့
ကြယ်စင်လေးတွေဖြစ်ချင်တယ်
ချစ်သူက.....
အေးမြကြည်သာ
ရေကန်တစ်ခါဖြစ်ခဲ့ရင်
ချစ်သူအလှ
တိုးဝေဖြဖို့
ကြာပန်းလေးတွေဖြစ်ချင်တယ်
ချစ်သူက.....
ကမ်းလမ်းမမြင်
ပင်လယ်ပြင်ဖြစ်ခဲ့ရင်
လှိုင်းလုံးလေးတွေအလား
မင်းအနားကမခွာ
တစ်သားတည်းရှိပါ့မယ်
ချစ်သူက.....
အစဉ်လန်းစွင့်
နှင်းဆီပန်းတစ်ပွင့်ဖြစ်ခဲ့ရင်
သခင့်ရန်ဘေး
ကာကွယ်ပေးဖို့
ဆူးခက်လေးတွေဖြစ်ချင်တယ်.....

( သက်ဆိုင်သူ....သို့.......)

သဘာဝ

ကြယ်တွေစုံလို့
ဘယ်လောက်လှလှ
ည ဟာ ည ပါပဲ.....
လမင်းသာလို့
ဘယ်လောက်လင်းလင်း
နေ့ခင်းကိုတော့မမှီပါဘူး....
ဒါကြောင့်....
ကြယ်တွေကိုမျော်
လမင်းကိုတပြီး
ညခင်းမှာပျော်နေမယ့်အစား
ကူတွယ်မဲ့လင်းတဲ့
နေ့ခင်းမှာပျော်လိုက်စမ်းပါလား.....


(အလှအရမ်းပြင်သော...ကောင်မလေးများ...သို့.....)

မိုးမျှော်တေး

ရင်ဝယ်လွမ်းတေး
သီဆိုကြွေး၍
မျှော်တွေးဘယ်ခါ
တွေ့ရပါလိမ့်
နေ့ညမပြတ်
လွမ်းတတ်နေပြီ
မျှော်၇ည်မှန်းဆ
လွမ်းရတာတွေ
ရင်မှာမျိုသိပ်
တိတ်တိတ်ရယ်ဆို
အလွမ်ညည်းချင်း
ကျေကွဲသီချင်း
ချစ်သူမသိ
ကာရန်မရှိ
နေညိုညချမ်း
( အဲဒီ ) ရွက်ကြွေလမ်းမှာ
ဖော်ဝေးနေသူ
ဒီလူ့ရင်အား
မိုးတစ်ပြိုက်မျှ
ရွာသွန်းလိုက်ပါ.....

ဆုတောင်း

အလွမ်းကဗျာ
အကြင်နာ...သို့
မှန်းဆရည်စူး
ရေးစပ်ဖူးသည်...
“ ရင်ဝယ်အချစ်
အမှန်စစ်လျှင်
ချစ်သူသိအောင်
ပြောပြပေးပါ
သော်တာလမင်း
အို.....အလင်းရယ်.....”

ကဗျာချစ်သူများ.....သို့

ဘယ်သူပဲ ဖြစ်ဖြစ်...တစ်စုံတစ်ယောက်...( သို့ ) တစ်စုံတစ်ခုကို ...လွမ်းနေတဲ့အခါ...ဒီကဗျာလေးတွေကို...ဖတ်ပြီး အလွမ်းဖြေနိုင်ကြပါစေ.....